Yerevan/05.07.13/Turan-Armİnfo: İyulun 4-də Ermənistan parlamentində keçirilən ümumavropa konfransında Moldova parlamentinin ombudsmanı Aureliya Qriqoriu erməni tərəfini Azərbaycan torpaqlarının 20%-ni işğal etməkdə ittiham edib.
“Dondurulmuş münaqişə zonalarında insan hüquqlarına əməl olunması” mövzusunda məruzə ilə çıxış edən Qriqoriu bildirib ki, Ermənistan Azərbaycan ərazilərinin 20%-ni işğal edib və azərbaycanlılara qarşı soyqırım törədib. O həmçinin deyib ki, Xocalı hadisələri ermənilər tərəfindən törədilən soyqırımdır və beynəlxalq aləm tərəfindən tanınmış faktdır.
Ermənistan parlamentinin vitse-spikeri Ermine Naqdalyan ombudsmanı parlament tribunasından sifarişləri yerinə yetirmək üçün istifadə etməməyə çağırıb.
“Hesab edirəm ki, yüksək vəzifəli qonaqlar kimlərinsə elmi konfransdan yolverilməz müzakirələr üçün istifadə etmək cəhdləri ilə razılaşmamalıdır”, - Naqdalyan qeyd edib.
Moldovalı ombudsman cavabında münaqişənin təfərrüatına varmayacağını bildirib. “Yalnız onu qeyd etmək istəyirəm ki, dondurulmuş münaqişə zonalarında insan hüquqlarının pozulması yolverilməzdir”, - o vurğulayıb. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz