![Moqerini Azərbaycanın Avropa İttifaqına sıx iqtisadi inteqrasiyası üçün şərtləri açıqlayıb](https://turan.az/resized/750/500/resize/media/2016/main/022900148426.jpg)
Moqerini Azərbaycanın Avropa İttifaqına sıx iqtisadi inteqrasiyası üçün şərtləri açıqlayıb
Yeni reallıqlar — neftin qiymətinin aşağı olması və regionda iqtisadi artımın zəif olması şəraitində Aİ və Azərbaycan arasında iqtisadi əməkdaşlıq məsələləri fevralın 29-da Aİ-nin xarici məsələlər və təhlükəsizlik siyasəti üzrə ali nümayəndəsi Federika Mogerini ilə XİN rəhbəri Elmar Məmmədyarovun danışıqlarının əsas mövzularından biri olub.
Bu kontekstdə Mogerini qeyd edib ki, Azərbaycanın Ümumdünya Ticarət Təşkilatına (ÜTT) daxil olmasına dair danışıqlarda irəliləyiş Azərbaycanda açıq və rəqabət qabiliyyətli biznes mühitin formalaşması və ölkənin Avropa İttifaqı ilə böyük inteqrasiyası üçün yaxşı imkanlar yaradıb.
Mogerini deyib ki, tərəflər iqtisadiyyatın diversifikasiyası məqsədilə islahatların həyata keçirilməsi sahəsində əməkdaşlığın möhkəmləndirilməsi barədə razılığa gəliblər.
Onun sözlərinə görə, Azərbaycan regionda Aİ-nin əsas ticarət tərəfdaşlarından biridir.
Öz növbəsində Aİ Azərbaycanda ən iri investordur. Lakin iqtisadi əməkdaşlığın genişləndirilməsi üçün potensial var.
Aİ nümayəndəsi qeyd edib ki, Bakı və Brüssel strateji tərəfdaşlıq haqqında yeni hərtərəfli saziş üzərində işləyirlər. 2015-ci ilin mayında «Şərq tərəfdaşlığı»nın Riqa sammitində Azərbaycan tərəfi sazişin mətnini baxılmaq üçün Brüsselə təqdim edib.
Lakin Bakı «Şərq tərəfdaşlığı» çərçivəsində təklif olunan assosiativ sazişdən imtina eidb.06C--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz