Dövlət Dumasının spikeri Sergey Narışkin Azərbaycana səfər edəcək və ölkə rəhbərliyi ilə parlamentlərarası əlaqələrin inkişafını müzakirə edəcək, deyə parlamentin mətbuat xidməti məlumat verir.
7-9 iyulda baş tutacaq səfər zamanı Narışkinin prezident İlham Əliyevlə, Milli Məclisin sədri Əsədovla, Prezident Administarsiyasının rəhbəri Ramiz Mehdiyevlə görüşü gözlənilir. Əsas diqqət Rusiya ilə Azərbaycan arasında parlamentlərarası əlaqələrin inkişafına ayrılacaq, deyə məlumatda bildirilir.
Spiker H.Əliyev Mərkəzində olacaq, Bakı Slavyan Universitetinin tələbələri qarşısında çıxış edəcək, Lomonosov adına Moskva Dövlət Universitetinin Bakı filialının məzunlarına diplom təqdim edəcək.
Spikerin səfəri öncəsi, 6 iyulda Bakıda MDB işləri üzrə Duma Komitəsi və MM parlamentlərarası əlaqələr komitəsinin birgə iclası kçeirilib. Deputatlar ikitərəfli əməkdaşlığın və Avropa siyasətinin aktual problemlərini müzakirə ediblər.
MDB işləri üzrə Duma Komitəsinin rəhbəri Leonid Slutski jurnalistlərə bildirib ki, birgə iclasda Avrasiya İqtisadi İttifaqı əsas müzakirə mövzularından olub. O, əmindir ki, Azərbaycanın Avrasiya İqtisadi İttifaqına qoşulması bu layihənin icrası üçün "fövqəladə ciddi addım" olardı.
«Azərbaycanın Avrasiya layihəsinə böyük diqqət yetirdiyini bilirik. Respublikanın ona qoşulması vahid iqtisadi məkan və Avrasiya İqtisadi İttifaqı üçün ciddi addım olardı»,- deyə Slutski bildirib. -03D-
Siyasət
-
Fevralın 6-da Bakının Xətai Rayon Məhkəməsi jurnalist Şahnaz Bəylərqızı barəsində 3 ay 15 gün həbs qətimkan tədbiri seçib.
-
2025-ci il fevralın 6-da Ukrayna ilə Azərbaycan Respublikası arasında diplomatik əlaqələrin qurulmasının 33-cü ildönümü tamam olur. Bununla əlaqədar Ukraynanın Bakıdakı səfiri Pavel Qusev facebook səhifəsində məqalə dərc edib.
-
Son günlər Azərbaycanda jurnalistlərin həbsi siyasi və ictimai xadimlərin tənqidlərinə səbəb olub.
-
USAID-in ölkədə fəaliyyət göstərməsi üçün hüquqi əsas olmadığı və fəaliyyətini dayandırmalı olduğu barədə bildiriş ABŞ tərəfinə rəsmən göndərilib.
Rəy yaz