Moskva Bişkekdə Azərbaycan və Ermənistan XİN başçılarının görüşünü təşkil etməyi təklif edir

Bakı/09.10.23/Turan: Moskva oktyabrın 12-də Bişkekdə MDB sammiti çərçivəsində RF, Ermənistan və Azərbaycan XİN başçılarının görüşünün keçirilməsi mümkünlüyünü nəzərdən keçirir. Bu barədə Rusiya xarici işlər nazirinin müavini Mixail Qaluzin RBK-ya müsahibəsində bildirib.

"Rusiya, Azərbaycan və Ermənistanın Ermənistan-Azərbaycan münaqişəsinin nizamlanması məsələlərinin bütün kompleksi üzrə dialoqu heç vaxt dayandırılmayıb. Ümid edirik ki, bu əlaqələr davam etdiriləcək, deyə yüksək vəzifəli diplomat bildirib. - Bu il oktyabrın 12-də Bişkekdə MDB sammitinin tədbirləri çərçivəsində bu müzakirələrin aparılması mümkünlüyünü nəzərdən keçiririk".

"Azərbaycan tərəfi artıq prinsipial razılığı verib. Və biz ümid edirik ki, Ermənistan tərəfi də bu məsələyə məsuliyyətlə yanaşacaq və bu danışıqlarda iştirak etməyə razılaşacaq", deyə o qeyd edib. 06D