Moskva iki Krım jurnalistini terrorçular siyahısına salıb

"Sərhədsiz reportyorlar" Rusiyada dərc edilmiş "terrorçular və ekstremistlər" siyahısına iki Krım jurnalistinin salınmasından narahatlığını bildirib.

Pulların yuyulmasına və ekstremizmin maliyyələşdirilməsinə qarşı mübarizə aparan maliyyə monitorinqi üzrə Federal Xidmət (Rosfinmonitorinq) iyulun 12-də öz saytında "terrorçu və ekstremist" olduğu ehtimal olunan 6 min nəfərin siyahısını dərc edib. Onların arasında müstəqil jurnalist Nikolay Semena və "Jurnalist araşdırmaları mərkəzi"ndə məqalələrini dərc edən Anna Andriyevskaya da var.

Onlar Krımın Rusiyaya birləşdirilməsinə qarşı çıxan KİV-lə əməkdaşlıq etdiklərinə görə təqiblərə məruz qalıblar. Lakin onlar nə mühakimə, nə də həbs edilməyiblər.

“Dövlət orqanının məhkəmə qərarı  olmadan kimisə açıq şəkildə “terrorçu” və ya “ekstremist” adlandırması tamamilə yolverilməzdir”, - təşkilatın Şərqi Avropa və Mərkəzi Asiya üzrə bürosunun rəhbəri Yohann Bir bildirib.

Bu yazı həmin jurnalistləri rüsvay edir və onların təhlükəsizliyini, xüsusən də qütbləşdirilmiş və təhlükəli Krımda təhlükəsizliyini qorxu altına alır. “Sərhədsiz Reportyorlar” bu siyahını Rosfinmonitorinqin saytından götürülməsini tələb edir”, - Bir vurğulayıb.

Rusiya “Sərhədsiz Reportyorlar”ın dərc etdiyi 2016-cı il üçün mətbuat azadlığı indeksində 180 yerdən 148-ci yerdədir. Antiekstremist qanunvericilik çox zaman yersiz olur və tənqidi səsləri susmağa məcbur etmək üçün istifadə olunur.-02D-