Moskva bloger Aleksandr Lapşinin Azərbaycana verilməsinin əleyhinədir və Rusiya vətəndaşlarının üçüncü ölkəyə verilməsinin yolverilməz olduğunu bildirir. Bu barədə cümə günü Rusiya XİN nümayəndəsi Mariya Zaxarova deyib.
“Biz Rusiya vətəndaşlarının üçüncü ölkəyə verilməsinin yolverilməz olduğuna təkid edirik və bu məsələyə dair mövqeyimizi çatdırmaq üçün Belarus Xarici İşlər Nazirliyi, bu ölkənin səlahiyyətli qurumları ilə intensiv əlaqələri davam etdiririk”, - o, cümə günü brifinqdə bildirib.
2016-cı il dekabrın ortalarında Lapşin yazmışdı ki, o, Azərbaycanın sorğusu ilə Minskdə saxlanılıb. Belə ki, Bakının razılığı olmadan Dağlıq Qarabağa getdiyinə görə “qara siyahı”ya salınıb. Belə şəxslərə Azərbaycana səfər etmək qadağan olunub. Bununla belə, 2015-ci ilin iyununda Lapşin Ukrayna pasportu ilə Gürcüstan vasitəsilə Azərbaycana gəlib. Bundan sonra “Dövlət sərhəddi haqqında” qanunu və Miqrasiya Məcəlləsini pozduğuna görə Azərbaycan blogerin barəsində beynəlxalq axtarış elan edib.-02D-
Siyasət
-
İran prezidenti Məsud Pezeşkian dekabrın 26-da Azərbaycan prezidenti İlham Əliyevə zəng edib.
-
Dekabrın 26-da Böyük Britaniyanın Bakıdakı səfirliyi AZAL-ın təyyarəsinin Aktauda qəzaya uğraması nəticəsində həlak olanların xatirəsinə matəmlə əlaqədar bayrağı endirib.
-
Qazaxıstan tərəfi AZAL-ın dekabrın 25-də Aktauda qəzaya uğramış təyyarəsinin 5 ekipaj üzvü daxil olmaqla, təyyarədə olan 67 nəfərin vətəndaşlığı haqqında məlumatları dərc edib. Qəza zamanı 38 nəfər həlak olub, 29 nəfər sağ qalıb.
-
Dekabrın 26-da Bakı Ağır Cinayətlər Məhkəməsində fəal Rail Abbasovun işi üzrə prosesində vəkil Elçin Sadıqov son sözlə çıxış edib.
Rəy yaz