Bakı/27.08.18/Turan: Moskva və Bakı iki ölkə arasında iqtisadi əməkdaşlığın genişləndirilməsi üçün sənədlər paketi hazırlayır, bu barədə ötən həftə Rusiyanın Azərbaycandakı səfiri Mixail Boçarnikov bildirib. Onun sözlərinə görə, Moskva həmçinin Rusiyanın iştirakı ilə birgə müəssisələr yaradılmasına ümid edir, xəbəri RİA agentliyi yayıb.
Azərbaycan İqtisadiyyat Nazirliyinin məlumatına görə, 2018-ci ilin yanvarından iyununa qədər respublikadan Rusiyaya 349,23 milyon dollarlıq məhsul ixrac olunub, bu, 2017-ci ilin birinci yarısının analoji göstəricilərindən 5,76% çoxdur. Öz növbəsində, Rusiyadan Azərbaycana məhsul ixracının həcmi 788,21 milyon dollar təşkil edib ki, bu da 2017-ci ilin ilk altı ayının analoji göstəricisindən 0,29% çoxdur.
Bir müddət əvvəl Moskvadakı və Bakıdakı mənbələr bildiriblər ki, avqustun 31-nə İlham Əliyevin Moskvaya rəsmi səfəri nəzərdə tutulub. Göründüyü qədər, səfər çərçivəsində iqtisadi və ticari sahədə əməkdaşlıq haqqında bir sıra ikitərəfli sənədlər imzalanacaq. -02D-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz