Moskvada Azərbaycan əleyhinə kitab dərc edilib
Moskvanın “Klyuç-S” nəşriyyatı Ariz Azizyanın “Azərbaycan poliqonu: siyasi-mədəni araşdırma” adlı kitabının birinci cildini dərc edib.
Nəşrin xülasəsində “fars şairi Nizami gəncəvinin transformasiyası nümunəsində Azərbaycan millətinin modelləşdirildiyi” deyilir.
“Bu “əsərin” mahiyyəti bir millət kimi azərbaycanlıların, eləcə də Azərbaycan dövlətçiliyinin süni təzahür olduğunu sübut etməkdən və Azərbaycan haqqında yanlış təsəvvür formalaşdırmaqdan ibarətdir.
Bu, çox zərərli, elm və Azərbaycan əleyhinə olan bir nəşrdir. Qəribədir ki, belə bir əsər Moskvada işıq üzü görüb”, deyə məşhur tarixçi və Milli Şuranın rəhbəri Cəmil Həsənli Turan agentliyinə bildirib.
“İnanmaq istərdim ki, Azərbaycan XİN və digər dövlət orqanları Azizyanın əsərinin ikinci cildinin dərc olunmasına imkan verməmək üçün zəruri tədbirləri görəcəklər. Mənə məlum olduğu qədər, Rusiya qanunvericiliyi milli ayrı-seçkilik, etnik müstəsnalıq və irqi üstünlük təbliğ edən ədəbiyyatın nəşrinə və yayılmasına yol vermir”, deyə tarixçi qeyd edib. -02В-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz