![Mövsüm Səmədov cəza kamerasına salınıb](https://turan.az/resized/media/2015/main/061900120165-750-500-resize.webp)
Mövsüm Səmədov cəza kamerasına salınıb
Hazırda Qobustan qapalı həbsxanasında cəza çəkən Azərbaycan Islam Partiyasının lideri Mövsüm Səmədov cəza kamerasına (kars er) salınıb. Ailə üzvləri M.Səmədovun artıq 6 gündür ki, cəza kamerasına salındığını bildirirlər.
Vəkil Anar Qasımlı Turan-a bildirib ki, bu gün Qobustan həbsxanasına gedərək Səmədovla görüşməyə cəhd edib.
“Məni görüşə buraxmadılar. Həbsxanada dedilər ki, Səmədov iyunun 25-dək cəza kamerasında olacaq, yalnlız iyunun 25-dən sonra görüşə gəlmək olar. Onun cəza kamerasına nə vaxt salınması və hansı səbəbdən salınması barədə mənə məlumat vermədilər”, - vəkil qeyd edib.
AIP sədri Mövsüm Səmədov 2011-ci ilin yanvarında hökuməti kəskin tənqidindən sonra həbs edilib. O, hakiimiyyəti zorla ələ keçirməyə cəhd, qanunsu silah saxlama və başqa ağır ittihamlarla 12 il müddətinə azadlıqdan məhrum edilib. 2014-ci ilin payızında M.Səmədov Qobustanda qapalı tipli həbsxanaya köçürülüb.
Vəkil M.Səmədovla görüşünə icazə verilməməsini qanun pozuntusu sayır.
“Bu, tam qanunsuzluqdur. İnsanın cəza kamerasına salınması onun müdafiə hüququnu məhdudlaşdıra bilməz. Əksinə Səmədovun indi müdafiəyə daha çox ehtiyacı var. O, müdafiəçi vasitəsi ilə şikayət verə bilər”, - vəkil qeyd edib.
A.Qasımlı M.Səmədovun cəza kamerasına salınması barədə qərarı aldıqdan sonra şikayət verəcəyini bildirib: “Bu gün qərarın surətini almaq üçün yazılı müraciət edəcəm. Qərarı alan kimi şikayət edəcəm. Əslində Səmədov cəza kamerasından çıxandan sonra şikayət vermək də əhəmiyyətini itirir. Bu səbəbdən də qərarın surətini verməyi yubadırlar”. -03B-
-
- Cəmiyyət
- 19 İyun 2015 14:57
-
- İqtisadiyyat
- 19 İyun 2015 16:22
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz