![MSK 2 dairədə 11 məntəqə üzrə seçkilərin nəticələrini ləğv edib](https://turan.az/resized/media/2020/main/022400024921-750-500-resize.webp)
MSK 2 dairədə 11 məntəqə üzrə seçkilərin nəticələrini ləğv edib
Bakı/23.02.20/Turan: Azərbaycan MSK fevralın 23-də 12 saylı Qaradağ-Binəqədi-Yasamal Seçki Dairəsinin 11 məntəqəsi üzrə seçkilərin nəticələrini ləğv edib. Bu qərar REAL-ın icraçı katibi Natiq Cəfərlinin və Müsavat Partiyasının Gənclər Təşkilatının sədri Elman Quliyevin şikayətləri əsasında aparılmış araşdırmanın nəticələrinə görə qəbul edilib.
Amma 11 məntəqə üzrə nəticələrin ləğv edilməsi bu dairə üzrə seçkilərin ümumi nəticəsinə təsir etməyib və burada hələ də Yeni Azərbaycan Partiyasının namizədi Səbinə Xasıyeva liderlik edir.
Dairə üzrə nəticələrin ləğv edilməsi üçün isə məntəqələrin 2/5-də nəticələr etibarsız hesab olunmalıdır.
MSK-nın qərarını şərh edən Cəfərli deyib ki, ondan Apellyasiya Məhkəməsinə şikayət verəcək və daha 4 məntəqə üzrə nəticələrin ləğvində israr edəcək. Cəfərlinin sözlərinə görə, bu 4 məntəqə üzrə də əlində təkzibedilməz saxtalaşdırma faktları var.
Qeyd edək ki, bu dairədə 15 məntəqə məntəqələrin ümumi sayının 2/5-ni təşkil edir.
Fevralın 23-də MSK 60 saylı Salyan-Neftçala dairəsinin 11 məntəqəsi üzrə də nəticələri ləğv edib. Bu dairədə ümumilikdə 42 məntəqə var. 11 məntəqə üzrə səsvermənin nəticələrinin ləğvi dairə üzrə seçkilərin ümumi nəticəsinə təsir etməyib, burada hakimiyyətyönlü Vətən Partiyasının sədri Fəzail Ağamalı liderlik edir.
118 saylı Ağdam Şəhər, 18 saylı Nərimanov-Nizami, 67 saylı Cəlilabad və 10 saylı Binəqədi Üçüncü seçki dairələrinin hər birində də MSK 1-2 məntəqə üzrə seçkilərin nəticələrini etibarsız hesab edib.
Bundan başqa, 43 saylı Sumqayıt Üçüncü, 11 saylı Qaradağ və 34 saylı Xətai İkinci seçki dairələrindən verilən şikayətlər ümumiyyətlə təmin edilməyib. -06D-
-
- Kənd təsərrüfatı
- 23 Fevral 2020 21:03
-
- Maliyyə
- 24 Fevral 2020 11:08
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz