MSK 30 saylı Suraxanı Seçki Dairəsinin 4 məntəqəsində seçkilərin nəticələrini ləğv edib
Bakı/19.02.20/Turan: Azərbaycan MSK bugünki iclasda 30 saylı Suraxanı Seçki Dairəsinin bir sıra məntəqələrində 9 fevral parlament seçkilərində səsvermənin yekunlarını ləğv edib.
MSK üzvü İlham Məmmədov bildirib ki, bir sıra məntəqələrdə saxtalaşdırmalar haqqında videoçarxlar təsdiqini tapıb.
"Araşdırma nəticəsində 12, 14, 16 və 18 saylı məntəqələrdə qanun pozuntuları aşkar edilib. Bununla əlaqədar bu məntəqələrdə səsvermənin nəticələri etibarsız sayılıb", deyə o bildirib.
Xatırladaq ki, ilkin məlumatlara görə, bu dairədə əvvəlki çağırışların deputatı Sevinc Fətəliyeva qalib sayılır. Amma cəmi 4 məntəqədə nəticələrin ləğvi ümumi vəziyyətə təsir etmir və bütün dairə üzrə nəticələrin ləğvinə səbəb olmur.
Elə bu gün MSK 38 saylı Nizami İkinci Seçki Dairəsində (Gəncə şəhəri) saxtalaşdırmalar haqqında şikayəti yoxlanılması üçün göndərilməsi barədə qərar verib.
MSK-nın iclası davam edir. -16D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz