MSK qarşısında yeni etiraz aksiyası, saxlanılan var
Bakı/21.02.20/Turan: Günün ikinci yarısında deputatlığa namizədlərdən ibarət qrup MSK binası qarşısında etiraz aksiyasını davam etdirib. Saat 16-da burada növbəti iclas başlayıb.
Aksiya zamanı iştirakçılardan biri yaxınlıqda yerləşən binanın divarına: "Fu, Mazi" (MSK sədri Məzahir Pənahov nəzərdə tutulur) ifadəsi yazıb. Polis bu şüarın yazılmasına görə seçkilərdə müşahidəçi olmuş Fuad İsmayılovu saxlayıb.
Bu arada, MSK-nın iclasında şikayətlərə baxılması davam etdirilib. 91 saylı Ucar Seçki Dairəsinin iki məntəqəsində səsvermənin nəticələri etibarsız sayılıb.
MSK namizədlərdən birinin 28 saylı Sabunçu Üçüncü Seçki Dairəsində səsvermənin yekunlarının etibarsız sayılması haqqında şikayətini təmin etməyib. -03B-
https://youtu.be/9X5oAqipK04-
- Cəmiyyət
- 21 Fevral 2020 17:36
Siyasət
-
Kanal-13 İnternet-TV-nin həbsdə olan rəhbəri Əziz Orucovun səhhəti pisləşib, bu barədə Turan-a onun vəkili Bəhruz Bayramov bildirib.
-
Azərbaycanda parlament seçkiləri noyabrda keçirilməlidir, lakin daha erkən tarixə çəkilə bilər. Bu barədə cümə axşamı MSK sədri Məzahir Pənahov qurumun iclasında bildirib.
-
Prezident İlham Əliyev İkinci Dünya Müharibəsinin veteranlarına birdəfəlik maddi yardım ödənilməsi haqqında sərəncam imzalayıb.
-
Prezident İlham Əliyev Azərbaycanın pravoslav xristian icmasını Müqəddəs Pasxa bayramı münasibətilə təbrik edib.
Rəy yaz