MTN əməkdaşlarına ali hərbi rütbələr, orden və medallar verilib

Martın 27-də prezident İlham Əliyev Milli Təhlükəsizlik azirliyinin əməkdaşlarına ali hərbi rütbələrin verilməsi haqqında sərəncam imzalayıb.

Sərəncama görə, general-mayorlar Vəli Məmiş oğlu Ələsgərov, Elçin Ərsalan oğlu Əliyev və Fərhad Hüseyn oğlu Vahabova general-leytenant ali hərbi rütbəsi verilib.

Polkovnik Vüqar Zülfüqar oğlu Allahquliyevə general-mayor ali hərbi rütbəsi verilib. Bundan əlavə, İ.Əliyev nazirliyin bir qrup əməkdaşını orden və medallarla  təltif edib. General-mayor Akif Çovdarov və Elşad Mustafayev 3-cü dərəcəli “Vətənə xidmətə görə” ordeni ilə təltif ediliblər.

Dövlət başçısının sərəncamları MTN əməkdaşlarının martın 28-də qeyd olunan peşə bayramı münasibətilə verilib.
Azərbaycanın milli təhlükəsizlik orqanları əməkdaşlarının günü 1997-ci il martın 23-də o zamankı prezident Heydər Əliyevin fərmanı ilə təsis edilib.

MTN işçilərinin peşə bayramının qeyd edilməsi üçün 28 mart  tarixi 1919-cu il martın 28-də Azərbaycan Demokratik Respublikasının (ADR) ilk xüsusi xidmət orqanı – hərbi nazirlikdə kəşfiyyat və əks-kəşfiyyat bölməsinin yaradılması ilə bağlı seçilib.—06D--