Hüquq və Azadlıqların Müdafiəsi İnstitutu (HAMİ) qurumun rəhbəri Elçin Namazovun təhlükə ilə üzləşməsi haqda açıqlama yayıb. Açıqlamada təhlükənin HAMİ-nin Prezident Admnistrasiyasının rəhbəri Ramiz Mehdiyevin barəsində araşdırmanın aparılması üçün bu il yanvarın 7-də ölkə prokurorluğuna müraciət etməsindən sonra yarandığı nəzərə çatdırılır. Belə ki, Milli Təhlükəsizlik Nazirliyi bu müraciətdən sonra E.Namazovun əleyhinə əməliyyat hazırlığına başlayıb. Açıqlamaya görə, yanvarın 8-də MTN əməkdaşları HAMİ-nin aparıcı üzvlərindən birini görüşə dəvət ediblər, görüşdə MTN-nin 3 əməkdaşı iştirak edib. Qurum üzvünə E.Namazovun əleyhinə əməliyyatda iştirak etmək təklif olunub. Görüşə gedən HAMİ üzvünə E.Namazovla birgə rüşvət almasını etirafı etmək, bu halda yalnız E.Namazovun həbsə alınacağı deyilib. HAMİ üzvü təklifdən imtina edib, E.Namazovu məlumatlandıracağını bildirib. Sonra qurumun üzvünə “əməkdaşlıq” əvəzində avtomobil veriləcəyi vəd olunub. Bu təklif də rədd olunduqda danışıqların iyrənc formaya keçdiyi, hələlik bunun açıqlanmasının məsləhət olmadığı vurğulanır. Açıqlamada əməliyyat icraçısının kimliyinin bilindiyi, ad çəkilmədən bu şəxsin icra başçılarından birinin qardaşı oğlu, nəqliyyat naziri Ziya Məmmədovun isə yaxın qohumu olduğu deyilir.
HAMİ üzvünün təklifi qəbul edəcəyinə əmin olan MTN-çilər əməliyyatın detallarını açqılayıblar. E.Namazovla bağlı MTN-nin əməliyyat hazırlaşması haqda digər məlumatların olması da açıqlamada yer alır. Bu məlumatların dəqiqləşdirilmə mərhələsində olması, yaxın günlərdə ictimaiyyətə məlumat veriləcəyi bildirilir.
HAMİ keçmiş rektor Elşad Abdullayevin yaydığı “deputatlıq rüşvəti” videosunda keçmiş rektorun deputat seçilə bilməsi üçün rüşvətin PA-nın rəhbəri R.Mehdiyevə verilməsi kadrlarının yer almasını əsas gətirərək ölkə prokurorluğuna R.Mehdiyevin barəsində araşdırma aparılması ilə bağlı müraciət etmişdi.
Turan-ın məsələ ilə bağlı MTN-dən şərh almaq cəhdləri baş tutmayıb. Belə ki, nazirliyin İctimaiyyətlə Əlaqələr Mərkəzindən telefon zənglərinə cavab verən olmayıb. -05D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz