«Alfa Sığorta» şirkəti lisenziyasının müddətinin artırılması üçün ərizə hazırlayıb. Hazırkı lisenziyanın müddəti 8 fevralda bitir.
Rəhbərlik perspektə nikbin baxır, çünki şirkətin yaxşı kapitallaşma səviyyəsi, bütün iqtisadi zonalarda nümayəndəliyi var, İcbari Sığorta Bürosunun üzvüdür. Amma Büro ötən il şirkətin avtonəqliyyat vasitələri sahiblərinin mülki məsuliyyətinin icbari sığortası lisenziyasını alıb, nəticədə şirkətin mükafatları 2 mln manata qədər az olub.
Ən maraqlısı 2008-ci ilin fevralından (sonuncu 5 illik lisenziya alınandan) şirkətdə 3 İH sədri dəyişib, amma Dövlət Sığorta Nəzarəti Xidmətinin reyestrində İbrahim İbrahimovun adı qalır. Məmurlara xatırladaq ki, bu strukturun rəhbəri Elşad Əliyevdir.
«Alfa Sigorta» şirkəti 1997-ci ildə təsis edilib. Şirkət 25 sığorta növü üzrə xidmət göstərir. 2008-ci ilin fevralında müddətsiz lisenziya alıb. Yeganə təsisçisi və əsas səhmdarı "Bank Technique"dır.
Dövlət Sığorta Nəzarəti Xidmətinin məlumatına görə, yanvar-noyabrda şirkətin mükafatları 4 mln 743 min manat, ödənişləri 1,02 mln manat olub. --17D—
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz