![Müdafiə komitəsi məhkəmə qərarını qərəzli və sifarişli adlandırdı](https://turan.az/resized/media/2013/main/121700062048-750-500-resize.webp)
Müdafiə komitəsi məhkəmə qərarını qərəzli və sifarişli adlandırdı
10 il həbsə məhkum edilmiş “azadxəbər.org” saytının rəhbəri Nicat Əliyevin Hüquqlarını Müdafiə Komitəsi çərşənbə axşamı RATİ-də mətbuat konfransı keçirib.
Komitə üzvü Pərviz Zeynalov N.Əliyevin 2012-ci ildə “Eurovision” müsabiqəsi öncəsi saxlandığını deyib. 9 ay ancaq narkotikd’n istifadə edilməsi ittihamı ilə həbsdə saxlanıb. 9 aydan sonra isə daha 3 ittiham irəli sürülüb. N.Əliyev və onunla birgə həbs edilənlər əvvəlcədən əlbir olan bir qrup şəxslə dini təyinaylı ədəbiyyatı yaymaqda, bir qrup şəxs tərəfindən hakimiyyəti zorla ələ keçirmək və saxlamaqda, milli, irqi, dini nifrət yaymaqda ittiham olunublar. Bu ittihamların nəticəsi olaraq 10 il müddətinə azadlıqdan məhrum edilib. Natiq istər ittihamları, istər məhkəmə qərarını qərəzli və sifarişli adlandırıb.
N.Əliyevin bu cinayətlərin heç birini törətmədiyi iddia edilib. Natiqin fikrincə, narkotik ittihamı sübuta yetirilmədiyi üçün sonrakı 3 ittiham irəli sürülüb. “Qabaqcadan əlbir olan bir qrup şəxs” ittihamı da əsassız hesab olunub. N.Əliyevin bu şəxsləri ancaq Kürdəxanı təcridxanasında bir kamerada saxlandığı zaman tanıdığı nəzərə çatdırılıb. Baxmayaraq ki, Ağır Cinayətlərə dair İşlər üzrə Məhkəmə həbs qərarını 8 gün öncə çıxarıb. Amma indiyə kimi məhkəmə qərarı ittiham olunan tərəfə verilməyib. R.Zeynalov hesab edir ki, N.Əliyev jurnalist olaraq fəaliyyətinə görə həbsə alınıb və bu həbs söz azadlığına qəsd sayılmalıdır.
İslamçıların Hüquqlarını Müdafiə Komitəsinin (İHMK) rəhbəri Mirqasim Əliyevə görə, bu insanların yeganə “günahı” milli-mənəvi dəyərlərə sahib çıxmalarıdır. “Necə olur ki, dövlətçiliyin əsasını sarsıdan “mandat al-veri” rüşvətinə görə G.Əhmədovaya 3 il həbs verilir, etmədiyi cinayətə görə isə günahsız insanlar 10 il azadlıqdan məhrum edilirlər”, - deyə M.Əliyev etirazını ifadə edib. M.Əliyev iqtidara bütün siyasi məhbusları azad etmək çağırışı edərək, şərləməklə vətəndaşları həbsə almaq “təcrübəsi”nə son qoymağa çağırıb.
Eyni zamanda, çıxış edən digər natiqlər də məhkəmə qərarına etiraz ifadə ediblər. Media mənsublarına bu məsələni gündəmdə saxlamaq, bu insanların günahsız həbs olunmalarını cəmiyyətə çatdırmaq müraciəti olunub. -05C-
-
- İqtisadiyyat
- 17 Dekabr 2013 14:28
Siyasət
-
Milli Şuranın və Müsavat Partiyasının üzvü, 1 saylı Bakı İstintaq Təcridxanasında saxlanılan Tofiq Yaqublunun vəziyyəti pisləşib. Buna baxmayaraq, hələ də tibbi müayinə aparılmır. Bu barədə Turan-a siyasətçinin qızı Nigar Həzi atası ilə telefon danışından sonra bildirib.
-
III Respublika Platforması bəyanatla çıxış edərək sentyabrın 1-nə təyin edilmiş Milli Məclisə növbədənkənar seçkilərə münasibətini bildirib. Qurum əvvəlcə qeyri-legitim hesab edir.
-
İyulun 18-də Böyük Britaniyada Avropa siyasi birliyinin dördüncü sammiti açılıb. Britaniya baş nazirinin ofisinin məlumatına görə, tədbirdə 45 avropalı lider, həmçinin NATO, ATƏT və Avropa Şurasının nümayəndələri iştirak edəcəklər. Sammitin əsas mövzuları Ukraynada münaqişə, enerji təhlükəsizliyi, miqrasiyadır, məqsəd isə "Avropa daxilində və onun sərhədləri yaxınlığında münaqişə və qeyri-sabitliyə cavab olaraq birliyi qorumaqdır".
-
Aİ prezidenti Çarlz Mişelin keçmiş diplomatik müşaviri Maqdalena Qrono Aİ-nin Cənubi Qafqaz üzrə yeni xüsusi nümayəndəsi təyin edilib.
Rəy yaz