Müdafiə naziri ATƏT-in fəaliyyətdə olan sədrinin xüsusi nümayəndəsini qəbul edib

Fevralın20-də müdafiə naziri Zakir Həsənov ATƏT-in fəaliyyətdə olan sədrinin şəxsi nümayəndəsi Anjey Kasprşiki qəbul edib.

Müdafiə Nazirlyinin mətbuat xidmətindən Turan-a verilən məlumata görə, görüşdə qoşunların təmas xəttindəki mövcud vəziyyət, keçirilən monitorinqlərin nəticələri, Dağlıq Qarabağ münaqişəsinin həlli ilə bağlı hazırkı vəziyyət və danışıqların perspektivləri barədə fikir mübadiləsi aparılıb.

Qeyd edək ki, bir neçə gün öncə Kaspşik erməni tərəfi ilə analoji görüş keçirib. Yerevan və Qarabağdakı mənbələrə görə,ermənilər ATƏT-i Azərbaycanın cəbhə xəttindəki snayperləri geri çəkməsi üçün ölkəyə təzyiq göstərməyə çağırıblar. Eyni zamanda erməni tərəfi Bakını dinc danışıqları pozmaq üçün cəbhədə qəsdən atəşkəsi pozmaqda ittiham edib.

Öz növbəsində Bakı erməni tərəfini müntəzəm atəş açmaqda,əraziləri minalamaqda və təxribatda ittiham edib.-16D-