![Закир Гасанов](https://turan.az/resized/media/2019/main/050300018614-750-500-resize.webp)
Закир Гасанов
Müdafiə naziri: �Azərbaycan ilə NATO arasında 25 illik dayanıqlı tərəfdaşlıq mövcuddur�
Bakı/03.05.19/Turan: "NATO ilə tərəfdaşlığımızın 25-ci ildönümünün qeyd edilməsi bizim əməkdaşlıqda qazandığımız nailiyyətlərimizin təcəssümü, bu uğur Azərbaycanın 25 il əvvəl çətin bir zaman kəsiyində qərar verdiyi istiqamətlər üzrə həyata keçirdiyi kompleks fəaliyyətlərin nəticəsidir". Müdaifə naziri Zakir Həsənovun dediyi bu cümlələr Nazirliyin saytındakı yazıda yer alır.
Müəllifin yazısında deyilir ki, Heydər Əliyevin 1994-cü ilin may ayının 4-də Sülh Naminə Tərəfdaşlıq (SNT) Çərçivə Sənədini imzalaması ilə Azərbaycan SNT proqramına qoşulub.
Yazıda deyilir ki, ölkə Prezidenti, Silahlı Qüvvələrin Ali Baş Komandanı İlham Əliyev tərəfindən uğurla davam etdirilən bu proqram NATO ilə Azərbaycan Respublikasının Silahlı Qüvvələri arasında səmərəli hərbi əməkdaşlığın və uyarlığın təmin olunmasında ən uğurlu mexanizmlərdən biri kimi özünü doğruldub.
Yazıda Azərbaycan hərbiçilərinin NATO-nun Kosovsoda, Əfqanıstanda keçirdiyi əməliyyatlarda iştirakı vurğulanır və 2018-ci ildən Əfqanıstandakı hərbi kontingentin sayının 30 faiz artırıldığı vurğulanır.
"Biz çox yaxşı dərk edirik ki, qloballaşan dünyada hər bir böhran və ya münaqişə digər ölkələrə təsirsiz ötüşmür və bu kontekstdə Azərbaycan Avro-Atlantik məkanda sülhə və təhlükəsizliyə nail olmaq üçün NATO ilə əməkdaşlıq edir və bundan sonra da edəcəkdir", yazıda belə vurğulanır.
Müəllif vurğulayır ki, Azərbaycan NATO-nun bir neçə proqramında, o cümlədən Tərəfdaşlığın Qərargah Vəzifəsi proqramında iştirak edir
"2002-ci ildən Azərbaycan Ordusunun ümumilikdə 24 zabiti bu proqram çərçivəsində NATO-nun müxtəlif struktur və qərargahlarında xidmət edib. Hazırda da NATO qərargahlarında 8 zabitimiz xidmət edir. Bu müddət ərzində beynəlxalq mühitdə əldə olunmuş təcrübə zabitlərimizin ölkəyə qayıtdıqdan sonra milli vəzifələrdəki xidmətlərinə müsbət təsirini göstərir", deyə Z.Həsənov bildirir.
Müəllif Cənubi Qafqazdakı münaqişələrin həll edilməsi istiqamətində NATO-nun nümayiş etdirdiyi qəti mövqeyi təqdirəlayiq sayır, Azərbaycanda ölkəmizin ərazi bütövlüyünü dəstəklədiyinə görə NATO-ya minnətdarlıq edir.
"NATO ilə 25 illik çoxşaxəli əməkdaşlıq, sülhməramlı əməliyyatlar çərçivəsində beynəlxalq sülhə verilən töhfə və Avro-Atlantik məkanda sülhə nail olmaq istiqamətində həyata keçirilən uğurlu layihələr uğurlu tərəfdaşlığın təzahürüdür. İnanıram ki, bu günədək əməkdaşlıqda qazanılmış nailiyyətlər gələcək uğurlarımızın carçısıdır. Əminəm ki, biz bu strateji əhəmiyyətli tərəfdaşlığı inkişaf etdirməyə və gücləndirməyə davam edəcəyik", deyə məqalənin sonunda qeyd edilir.--0--
-
- Bazarların icmalı
- 3 May 2019 10:58
-
- Sual-cavab
- 3 May 2019 11:58
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz