Müdafiə Nazirliyi "müharibə veteranı" statusunun verilməməsinin səbəbini acıqlayıb

Bakı/23.04.21/Turan: Aprelin 15 Turan İnformasiya Agentliyinin Müdafiə Nazirliyinə göndərdiyi sorğuda müharibə əlillərinin agentliyə ünvanladıqları suallara cavablar istədik.

Məktub yazan gizir Qadir Cəfərov iddia edir ki, Mərkəzi Hərbi Hospital onun gözü 75 faiz görmədiyi halda 50 faiz yazır. O deyir ki, hərbi hospitalda əlillik dərəcəsi verilərkən rüşvət tətbiq olunur.

Başqa bir qazi Nəsir Cəfərov bildirir ki, ayağını itirdiyi halda, bağırsaqları olmadığı halda onun müharibə iştirakçısı olduğunu bildirən sənəd verilmir, müharibə bitəndən bəri Hərbi Hositalın yollarında qalıb.

Gizirlərin suallarını Müdafiə Nazirliyinə ünvanladıq.

Oradan əvvəlcə telefonla Turana deyildi ki, gizir Cəfərovun hospitalda rüşvətxorluq barədə məlumatı həmin hospitalın rəhbərliyinə göndərilib.

Aprelin 22-də Müdafiə Nazirliyi Turana yazılı cavab göndərib. Məktubda 2020-ci il  Vətən müharibəsində iştirak etmiş hərbcilərə müharibə veteranı adının verilməsi məsələsinin həlli ücün Nazirlər Kabinetin qərarına əsasən 2021-ci il yanvarın 30-da xüsusu komissiyanın yarandığı bildirilir.

“Həmin komissiya Nazirlər Kabinerinə təkliflər verəcək və hökümət "müharibə veteranı" adının verilməsinə aid şərtləri qəbul edəcək. Sonra qəbul ediləcək yeni normativ-hüquqi akt əsasında həmin adlar vətəndaşlara veriləcək,” Müdafiə Nazirliynin cavabında deyilir.

Bununla yanaşı, Müdafiə Nazirliyi hələ Hərbi Hospitalla bağlı suallara cavab verməyib. -0-