Müdafiə Nazirliyi sistemində kadr dəyişiklikləri

Qeyri-rəsmi mənbələr Müdafiə Nazirliyi sistemində kadr dəyişikliklərinin davam etdiyini bildirir. Xüsusən, hərbi idarənin mərkəzi aparat idarələrinin bir sıra rəisərinin dəyişdirildiyi haqqında məlumat yayılıb. Lakin mətbuat xidməti susduğu üçün bu məlumatları yoxlamaq mümkün olmur. Bəzi məlumatlara görə, mətbuat xidmətinin rəhbəri Sabiroğlu da dəyişdirilib, onun nə mobil telefonu, nə də şəhər telefonu cavab vermir.

Qeyri-rəsmi məlumatlara gəlincə, istefada olan general Aleksandr Vasyakın xidmətə qayıtdığı bildirilir, o, daxili nəzarət rəisi vəzifəsinə təyin edilib.

Vasyak Azərbaycanda yerləşən Zaqafqazya hərbi dairəsinin 4-cü ordusunun Əməliyyat İdarəsinin keçmiş rəhbəridir. SSRİ dağıldıqdan sonra o, xidmətdə qalıb və Azərbaycan Milli Ordusuna keçib, bir neçə il Müdafiə Nazirliyinin əməliyyat idarəsinin rəhbəri vəzifəsində işləyib.

Hərbi mənbə Turan agentliyinə bazar ertəsi Müdafiə Nazirliyində bütün ali heyətin iştirakı ilə böyük toplantı keçirilməsi faktını təsdiq edib. “Bu görüşün iştirakçıları gələcək günlərdə elan ediləcək kadr dəyişikliklərini təsdiq edirlər.

Eyni zamanda, hələlik yeni nazirin məntiqini və strateji xəttini anlamaq çətindir”, deyə mənbə qeyd edib. -02В-