Müdafiə nazirinin ardınca Hərbi-Hava Qüvvələrinin komandanı da dəyişib. Bu posta general-mayor Ramiz Tahirov təyin edilib. O həm də müdafiə nazirinin müavini təyin olunub.
Bundan əvvəl R.Tahirov prezidentin hərbi məsələlər üzrə köməkçisi olub, ondan öncə isə Hava Hücumundan Müdafiə qoşunlarında xidmət edib. O, HHQ komandanı postunda Altay Mehdiyevi əvəzləyib.
Müdafiə Nazirliyinin təftiş üzrə rəisi, general-mayor Məmməd Beydullayev də vəzifəsindən azad edilib. Onun yerinə Milli Qəhrəman, polkovnik Fəxrəddin Cəbrayılov təyin edilib.
“Doktrina” Hərbi Araşdırmalar Mərkəzinin məlumatına görə, yaxın vaxtlarda müdafiə nazirinin müavinləri, bəzi idarələrin rəisləri və iri birləşmələrin komandanları dəyişəcək. –06D--
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz