![Müəllimlər etiraz edirlər, nazirlik cavab verir](https://turan.az/resized/news/2024/svMHsy2SZRPuXFQ2LKdzqQxHQErBYnquz0kKQwS9-750-500-resize.webp)
Müəllimlər etiraz edirlər, nazirlik cavab verir
Müəllimlər etiraz edirlər, nazirlik cavab verir
Təkrar sertifikastlaşmadan keçə bilməyən 50 nəfərə yaxın müəllim iyunun 28-də Elm və Təhsil Nazirliyinin önünə gələrək narazılığını bildirib.
Onların sözlərinə görə, imtahan zamanı kompüterlərdə texniki problemlər olub, vaxt az olub, onlar çox suala düzgün cavab verib, amma nəticədə az bal yığıblar: "Kompüterlərə müdaxilə edilib və bizim ballarımızı siliblər. Mən 47 suala düzgün cavab verdiyimə əminəm. Amma imtahandan çıxandan sonra məlum olub ki, bal az yazıblar. Şəkər xəstəsiyəm, imtahanın 1 saatı keçəndən sonra dərman içmək üçün otaqdan çıxmışam, sonra imtahana davam etmək üçün qayıdanda dedilər ki, mümkün deyil, əlini "bitir" düyməsinə vurmusan. Mən istəyirəm təzədən imtahan olsun. Bu imtahanda mən şəffaflıq görmədim", - Cəlilabad rayonunda müəllimə işləyən Aygün Şükürova deyib.
Onun sözlərinə görə, başqa dolanışığı yoxdur, həyat yoldaşı işləmir, 3 uşağı isə tələbədir.
Etiraz edən müəllimlərdən çoxu onlarla əmək müqaviləsinə xitam verilməsini qanunsuz hesab edirlər və işlə təmin olunmalarını istəyirlər.
Elm və Təhsil Nazirliyinin ictimaiyyətlə əlaqələr və kommunikasiya şöbəsindən Turan-a bildiriblər ki, nazirinin müvafiq qərarına uyğun olaraq, Bakı şəhəri üzrə Təhsil İdarəsi, eyni zamanda regional təhsil idarələri və rayon təhsil sektorlarında təkrar sertifikatlaşdırma imtahanında keçid balını toplamayan təhsilverənlərlə işin təşkili, onların sosial statuslarının mərhələli şəkildə qiymətləndirilməsi və alternativ iş imkanlarının araşdırılması məqsədilə komissiyalar yaradılıb: "Komissiyalar 30 iyul tarixinədək fəaliyyət göstərəcək. Hazırda həmin mərkəzlərdə vətəndaşların qəbulu həyata keçirilir. Bu günədək ümumilikdə 2000-dən çox vətəndaş qəbul edilib".
Nazirlikdə qeyd olunub ki, sözügedən komissiyalarda hər bir vətəndaşın müraciəti dinlənilir, həssaslıqla yanaşılıb müvafiq qaydada araşdırılması təmin edilir: "Eyni zamanda, sosial həssas əhali qrupuna aid vətəndaşların müraciətləri xüsusi nəzarətə götürülür, qanunvericiliyin tələblərinə uyğun olaraq müvafiq tədbirlər görülür. Təkrar sertifikatlaşdırmada minimum tələbi ödəməyən, prosesdə iştirak etməyən, eyni zamanda imtahan qaydalarını pozduğu üçün nəticələri ləğv edilən müəllimlərin müqavilələrinə əmək qanunvericiliyinin tələblərinə uyğun olaraq xitam prosesi həyata keçirilir. Əmək müqaviləsinə xitam veriləcək müəllimlərə əmək qanunvericiliyində nəzərdə tutulan təminatların ödənilməsi həyata keçirilir".
-
- Cəmiyyət
- 28 İyun 2024 16:21
Siyasət
-
İyunun 28-də ADR Gənclər komitəsinin üzvü Pərvin Çobanov 20 sutka inzibati həbsə məhkum edib. O polisin qanuni tələbinə tabe olmamaqda günahlandırılıb.
-
İyunun 28-də Bakının Nərimanov Rayon Məhkəməsi hakim Hafiz Kamranovun sədrliyi ilə İstanbul Universitetinin doktorantı Fazil Qasımov barəsində seçilmiş həbs qətimkan tədbirinin ev dustaqlığı tədbiri əvəz olunması barədə vəsatəti təmin etməyib.
-
İranın 14-cü prezident seçkilərində islahatçılar qanadına aid olan Məsud Pezeşkian 43,5 faiz səslə liderdir. Onun ardınca 37,7 faiz səslə konservatorlar qanadından Səid Cəlili gəlir. Bu barədə islam respublikasının seçki qərargahının nümayəndəsi Möhsün Eslami bildirib, xəbəri Anadolu Agentliyi yayıb.
-
İranda keçirilən növbədənkənar prezident seçkilərində 12 milyon səsin sayılmasının nəticələrinə görə islahatçı qanaddan namizəd olan parlamentin keçmiş deputatı Məsud Pezeşkian liderdir, bu barədə IRIB telekanalının efirində ölkənin seçki qərargahının nümayəndəsi Möhsün Eslami bildirib.
Rəy yaz