Açiq mənbələrdən foto.
Bakı/10.05.23/Turan: Aprelin 29-dan etibarən Beynəlxalq Qızıl Xaç Cəmiyyəti Qarabağdan Ermənistana xəstə aparmır. Bu barədə BQXC-nin Ermənistandakı nümayəndəsi Zara Amatuni bildirib.
O qeyd edib ki, Laçında Azərbaycanın sərhəd-buraxılış məntəqəsi təsis edildikdən sonra BQXC iki dəfə xəstə aparıb: "Aprelin 28-də 13 nəfər, 29-da isə 16 nəfər aparılıb. Amma sonradan müəyyən dəqiqləşdirmələrə ehtiyac yaranıb, hazırda onlar müzakirə olunur", deyə o qeyd edib.
Ermənistan KİV-lərinin məlumatına görə, Qarabağ separatçılarının liderləri faktiki olaraq Laçındakı sərhəd-buraxılış məntəqəsindən keçməyi qadağan edib. Ermənistan tərəfi bununla Laçın sərhəd-buraxılış məntəqəsinin fəaliyyətini legitimləşdirməkdən qorxur. Ermənilər Rusiya sülhməramlılarının köməyi ilə bu sərhəd-buraxılış məntəqəsini aradan qaldırmağa ümid edirdi, amma Qarabağın "dövlət naziri" Gurgen Nersisyan etiraf edib ki, sülhməramlıların komandanı general Lentsovun Bakıda bu barədə danışıqları nəticə verməyib. 0
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz