![Arif Hacılı](https://turan.az/resized/750/500/resize/media/2018/main/070500011550.jpg)
Arif Hacılı
Müsavat başqanı: �Məsuliyyət bir nəfərlə məhdudlaşa bilməz�
Bakı/05.07.18/Turan: İyulun 3-də Mingəçevir İstilik Elektrik Stansiyasında (İES) baş vermiş qəza çox böyük hadisədir. Bu, Azərbaycanın təhlükəsizliyi məsələsidir və hadisə göstərdi ki, ölkə belə qəzalardan sığortalanmayıb". Müsavat Partiyasının başqanı Arif Hacılı bunu iyulun 4-də prezident İlham Əliyevin yanında ölkənin enerji sistemindəki vəziyyətlə əlaqədar müşavirədə səslənən fikirləri dəyərləndirərkən deyib.
Baş verən hadisəyə gəlincə, A.Hacılı hesab edir ki, buna görə təkcə məsuliyyət "Azərenerji" Açıq Səhimdar Cəmiyyətinin (ASC) sədri Etibar Priverdiyevin üzərinə qoyula bilməz: "Bu hadisəyə görə, İlham Əliyevin rəhbərlik etdiyi hökumət də bütünlükdə dövlət və xalq qarşısında məsuliyyət daşıyır".
Partiya rəhbəri hesab edir ki, başqa tərəfdən bu hadisə "utanmaq", "xəcalət çəkmək"lə yola verilə bilməz: "Əslinə qalarsa, Azərbaycan hakmiyyəti ölkəmiqyaslı bir hadisəni bir nəfər sahə rəhbərinin üzərinə qoymaqla problemi kiçiltmək, lokal miqyasda göstərməyə çalışır. Amma fikrimcə, məsələyə Azərbaycann qlobal təhlükəsizlik bucağından yanaşmaq lazımdır".
A.Hacılı hesab edir ki, qəzanın səbəblərinin araşdırılması ilə bağlı yaradılmış Dövlət Komissiyasının iyulun 4-də keçirilən iclasında tənqidlərin E.Pirverdiyevə ünvanlanması məhz məsuliyyəti bütünlükdə hakimiyyətin yox, konkret şəxsin üzərinə qoymaq idi.
Partiya rəhbəri bildirir ki, hətta bu tənqidləri edən dövlət başçısı özü də bilir ki, burada məsuliyyət təkcə E.Pirverdiyevlə bitmir.
Üstəlik, A.Hacılı vurğulayır ki, tənqidlərə baxmayaraq, E.Pirverdiyev vəzifədən də uzaqlaşdırılmayıb.
A.Hacılı deyib ki, ölkənin enerji sektoruna milyardlarla vəsait qoyulub, amma enerji təhlükəsizliyi sahəsində nəzərdə tutulan hədəflərə çatılmayıb:
"Burada ilk növbədə korrupsiyadan danışmaq olar, bir çox sahələrdəki kimi, burada da korrupsiya və yeyinti öz rolunu oynayıb"-05B-
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz