Müsavat fəalının yoxa çıxdığı bildirilir
İtkin düşmüş müsavatçı həmkarı tərəfindən öldürülüb - DİN (yenilənib)
Mayın 10-da itkin düşən Müsavat Partiyasının üzvü Natiq Mehdi Elsevər İslamov adlı həmkarı tərəfindən öldürülüb. Bu barədə Turan-a DİN-in mətbuat xidmətindən bildiriblər.
Cinayətin səbəbləri aydın deyil. Öldürülən şəxsin orta məktəbdə mühafizəçi işlədiyi məlumdur.
* * *
Müsavat fəalının yoxa çıxdığı bildirilir
Mayın 14-də Müsavat Partiyası fəalı Natiq Mehdinini (Ulubəy) yoxa çıxdığını bildirilib.
Partiyanın mətbuat xidmətindən Turan-a verilən məlumata görə, o, mayın 10-da öz şəxsi avtomobili ilə birlikdə yoxa çıxıb: "Yaxınları məsələ ilə bağlı 37-ci polis bölməsinə ərizə ilə müraciət ediblər, biz də məsələ ilə bağlı Daxili İşlər Nazirliyi ilə əlaqə saxladıq, amma hələlik heç bir məlumat yoxdur. Onun telefonuna da zəng çatmır", deyə partiyanın nümayəndəsi bildirib.
Natiq Mehdi Müsavat Partiyasının Səbail Rayon Təşkilatının sədr müavinidir.
O, aprel ayında partiyanın başqanlığına öz namizədliyini irəli sürmüşdü, lakin qurultaya bir neçə gün qalmış namizədliyini geri götürüb.
Məsələ ilə bağlı hüquq-mühafizə orqanlarından münasibət öyrənmək mümkün olmayıb.
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz