�Müsavat� fəalları Məhəmməd Əmin Rəsulzadənin xatirəsini yad ediblər

Bakı/31.01.18/Turan: Yanvarın 31-də Müsavat Partiyası Azərbaycan Cümhuriyyətinin quruculuq simvolu Məhəmməd Əmin Rəsulzadənin anadan olmasının 134-cü ildönümü ilə bağlı onun Novxanı kəndindəki abidəsi önündə anım mərasimi keçiriblər.

Müsavatçılar abidə önünə yürüşlə gəliblər və yürüş "Rəsulzadə", "Qarabağ", "Millətlərə Hürriyyət, insanlara istiqlal" şüarları altında keçib. M.Rəsulzadənin abidəsi önündə mərasim keçirilib.

Partiyanın başqan müavini Səxavət Soltanlı anım mərasimini açaraq, bu il ölkədə Cümhuriyyət qurulmasının 100 illiyinin tamam olduğunu bildirib. Natiq M.Rəsulzadənin özündən sonra iki miras qoyduğunu vurğulayıb: "Bu miraslardan biri Azərbaycan, digəri Müsavat partiyasıdır", deyə başqan müavini bildirib.

"M.Rəsulzadə və tərəfdaşları 100 il bundan öncə bir heçdən Azərbaycan qurdular, cümhuriyyət yaratdılar, bir bayraq ucaltdılar və hələ ki, indiyə kimi ondan yaxşısı olmayıb". Partiyanın Mərkəzi İcra Aparatının rəhbəri Gülağa Aslanlı M.Rəsulzadənin və o zamankı cümhuriyyətçilərin bir əsr öncəki fəaliyyətlərini dəyərləndirib.

İndiki hakimiyyətin yürütdüyü siyasəti kəskin tənqid edən G.Aslanlı həm də xatırladıb ki, bu il prezident seçkiləri ilidir və artıq indiki hakimiyyəti dəyişdirməyin vaxtı çatıb: "Amma, vaxt yetişib. Artıq 3-cü cmühuriyyəti qurmağın vaxtıdr, biz hələ 2014-cü ildə keçmiş başqan İs Qəmbərin prezidentliyə namizədliyini təsdiq etmişik və bütün enerji, güc bu il Müsavat Partiyası namizədinin seşkilərdə qalib gəlməsinə sərf olunmalıdır", deyə G.Aslanlı vurğulayıb.

"Azərbaycan tarixində M.Rəsulzadə partiya qurucusu, dövlət qurucusu, ictimai və dövlət xadimi, imperiyaya qarşı mübariz kimi ən böyük şəxsiyyətdir".

Bunu isə Müsavat Partiyası başqanı Arif Hacılı bildirib.

A.Hacılı M.Rəsulzadənin xalq qarşısındakı xidmətlərini sadalayaraq onun böyük öndər kimi daim qəlblərdə, yaddaşlarda yaşayacağını vurğulayıb.

A.Hacılı da ölkədə 3-cü Respublikanın qurulması zamanının yetişdiyini bildirib, bunun üçün xalqın bütün potensialı olduğunu bildirib: "Təkcə mövcud avtoritar rejim buna imkan vermir ki, ölkə öz adi məcrasına qayıtsın, bunu da bu ilki seçiklərdə etməyə səy göstərəcəyik", deyə Müsavat başqanı qeyd edib.

A.Hacılı indki hakimiyyəti qeyri-səmimilikdə ittiham edib: "Sözdə cümhuriyyətin dəyərlərinə sadiq olduqlarını deyirlər, əslində isə cümhuriyyət dəyərləri uğrunda mübarizə aparan şəxsləri həbslərə atırlar, odur ki, biz mübarizəmizlə ölkədə cümhiriyyət dəyərlərini bərpa edəcəyik".

Daha sonra anım mərsimi bağlı elan edilib, anım iştirakçıları Novxanı qəbirstanlığında M.Rəsulzadənin valideynlərinin, oğlunun qəbirlərini ziyarət ediblər. -06DD-