Müsavat Partiyası Mərkəzi Seçki Komissiyasının (MSK) Müsavat Patiyasının Təşviqat Qrupunun qeydə alınmaması barədə 27 avqust qərarından şikayət verəcək.
Müsavat Partiyasının başqan müavini Gülağa Aslanlı Turan-a bildirib ki, bu gün Mərkəzi Seçki Komisssiyasının qərarı Müsavat Partiasına təqdim ediləcək və avqustun 30-da partiya Bakı Apellyasiya Məhkləməsinə şikayət edəcək.
Onun sözlərinə görə, MSK qərarında Müsavat Partiyasının topladığı seçici imzalarının 3600-nün bir-birinə uyğun olduğunu və ya şəxsiyyət vəsiqələrinin nömrələrinin yazılışında problemlər olduğunu bildirib. “MSK-nin qərarı tam siyasidir. Belə ki, Müsavat Partiyası 41 128 imza toplayaraq avqustun 22-də MSK-ya təqdim edib. MSK-dan dəfələrlə imzalarla bağlı problemin olub-olmadığını sual etmişik. Bizə hər-hansı problemin olması barədə məlumat verilməyib. MSK iclas təyin etməzdən 24 saat öncə imzaları yoxlayan işçi qrupunun protokolunu bizə təqdim etməlidir. Bu da olmayıb. Birdən, avqustun 27-nə iclas təyin ediblər və Müsavatın təşviqat qrupunun qeydə alınmaması barədə qərar qəbul ediblər”, deyə o fikrini əsaslandırıb.
G.Aslanlı Müsavat Partiyasının etiraz aksiyaları keçirilməsi ilə bağlı məsələni də müzakirə edəcəyini bildirib.
“Bu gün keçiriləcək divanda etiraz aksiyası məsələsi müzakirə ediləcək”, deyə o qeyd edib. -03B-
Siyasət
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
Rəy yaz