Müsavat Partiyası Fuad Qəhrəmanlıya və siyasi məhbuslara azadlıq tələb edir

Müsavat Partiyası AXCP sədrinin müavini Fuad Qəhrəmanlının həbs edilməsinə etiraz olaraq bəyanat yayıb. 

Sənəddə F.Qəhrəmanlıya qarşı Cinayət Məcəlləsinin 281.1- (dövlət hakimiyyəti əleyhinə çağırışlar etmə), 283.2.1 (dini, irqi, sosial nifrət aşılayan çağırışlar etmə) maddələri ilə ittiham irəli sürüldüyü nəzərə çatdırılır.    

Həmçinin Nəsimi Rayon Məhkəməsinin F.Qəhrəmanlının barəsində 3 ay müddətinə həbs qətimkan tədbirinin seçdiyi vurğulanır.

Sənəddə deyilir ki, rəsmi qurumlar F.Qəhrəmanlının sosial şəbəkələrdə yazdığı fikirlərinə görə cinayət məsuliyyətinə cəlb edildiyini bildirirlər. 

Müsavat Partiyası F.Qəhrəmanlının həbsini ifadə azadlığına rəsmi Bakının dözümsüzlüyünün nümunəsi sayır, ölkədə davam edən genişmiqyaslı repressiyaların davamı kimi dəyərləndirir və qəti şəkildə pisləyir.

Sənəd müəllifləri iqtidarı fərqli düşünənlərə qarşı siyasi repressiyalara son qoymağa, xalqın və beynəlxalq birliyin önündə götürdüyü öhdəliklərə əməl etməyə çağırırlar.  Son olaraq sənəddə F.Qəhrəmanlı və digər siyasi məhbuslara azadlıq tələb edilir.-05D-