Müsavat Partiyası gənc fəal Qiyas İbrahimovun 10 il müddətinə azadlıqdan məhrum edilməsi haqqında hökmünü qətiyyətlə pisləyib. Bu barədə oktyabrın 31-də partiyanın idarə heyətinin iclasında bildirilib.
Partiya İbrahimov barəsində qanunsuz narkotik dövriyyəsi ittihamlarını uydurma hesab edir və bildirir ki, onun cinayət təqibinin səbəbi Heydər Əliyevin abidəsində şüar yazmalarıdır.
Müsavat İbrahimova ağır cəza verilməsini hakimiyyətin gənc fəallara qarşı repressiv siyasətinin davamı kimi qiymətləndirir.
Partiya başqanı Arif Hacılı həmçinin Almaniyaya səfərinin nəticələri haqqında məlumat verib. Oktyabrın 22-də o, Avropada yaşayan müsavatçıların Koordinasiya Mərkəzinin təsis konfransında iştirak edib.
Müsavat KİV haqqında qanuna edilən hüquq-mühafizə orqanlarına dini ekstremistlərə qarşı xüsusi əməliyyatların keçirildiyi zonalarda mətbuatın fəaliyyətini məhdudlaşdırmaq hüququ verən dəyişiklikləri söz və mətbuat azadlığının, bütovlükdə jurnalist fəaliyyətinin məhdudlaşdırılması kimi dəyərləndirib. -06D-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz