Müsavat Partiyası seçki qərargahını təşkil edir

Müsavat Partiyası Divanının növbəti toplantısında partiyanın Seçki Qərargahının Əsasnaməsi təsdiq edilib.  

Əsasnamədə Qərargahın sədri, müavinləri, katib və üzvləri, təşkilat, təbliğat və təşviqat, hüquq, ictimai əlaqələr və sosial şəbəkələrlə iş, mətbuat, xarici əlaqələr, maliyyə, təsərrüfat-texniki şöbələrdən ibarət olacağı qeyd edilir. Aprelin 23-də saat 14:00-da Mərkəzi Seçki Qərargahının iclasının  keçirilməsi qərara alınıb. 

İctimai-siyasi duruma dair bölümdə həbsdə olan hüquq müdafiəçisi Vidadi İsgəndərlinin, AXCP-nin Sabirabadda, Ümid Partiyasının Sumqayıtda tədbirlərinin polis gücünə dağıdılması, Müsavat başqanının müavini Tofiq Yaqublunun və həbsdə olan NİDA-çıların məsələsi müzakirə olunub. Həbsdə olan bu şəxslərə qarşı iş sifarişli adlandırılıb. 

Divan ABŞ-da baş verən terror aktı ilə əlaqədar Amerika hökumətinə başsağlığı verib. Azərbaycan Xalq Cümhuriyyətinin 95 illik yubileyi ilə bağlı mayın 27-də konfrans keçirilməsinə dair qərar qəbul olunub.