Müsavat Partiyası təşviqat qrupunun qeydiyyatı üçün sənədləri MSK-ya təqdim edəcək
Müsavat Partiyası Konstitusiyaya düzəlişlər üzrə referendumda təşviqat qrupunun qeydiyyatı üçün zəruri seçici imzasını toplayıb. Bu barədə Turan-a Müsavat Partiyası aparatının rəhbəri Gülağa Aslanlı bildirib.
Onun sözlərinə görə, “Respublika” təşəbbüs qrupu tərəfindən 41 mindən çox imza toplanıb. Avqustun 22-də gün ərzində sənədlər eyniadlı təşviqat qrupunun qeydiyyatı üçün MSK-ya təqdim olunacaq.
G.Aslanlı qeyd edib ki, imza toplanışı kampaniyası zamanı partiya fəalları təzyiqlə üzləşiblər. Bu, Tərtər, Bərdə, Qazax, Cəlilabad rayonlarında, Gəncə və digər yerlərdə baş verib.
Belə ki, partiya fəallarından imza vərəqələri alınıb cırılıb, onları saxlayıblar, seçiciləri qorxudublar.
Ümumilikdə, 5 min seçici imzası olan vərəqələr oğurlanıb. Bununla belə, partiya bu gün təşviqat qrupunun qeydiyyatı üçün 41 min seçiçi imzasının olduğu sənədləri MSK-ya təqdim edəcək.
Müsavat Partiyası Konstitusiyaya düzəlişlərin əleyhinə çıxış edir, onları antidemokratik və Azərbaycanda avtoritarizmin gücləndirilməsinə yönələn düzəlişlər hesab edir.
Xatırladaq ki, təşviqat qruplarının qeydiyyatı üçün sənədlərin verilməsi müddəti avqustun 22-i saat 18:00-da bitir.
İndiyədək MSK Konstitusiyaya düzəlişləri dəstəkləyən üç təşviqat qrupunu - “Yeni Azərbaycan”, “Bələdiyyə” və “Vətəndaş cəmiyyəti”ni qeydiyyata alıb.
Referendum sentyabrın 26-na təyin edilib.05D06--
-
- İqtisadiyyat
- 22 Avqust 2016 11:47
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz