İqtidar hakimiyyəti bir ailənin əlində toplamaq üçün hüquqi bazanı möhkəmləndirmək məqsədilə tələm-tələsik, xalq qarşısında heç bir izahat işi aparmadan referendum keçirir. Bu barədə Müsavat Partiyasının bəyanatında deyilir.
AXCP üzvü Məsud Rzalının 30 sutkalıq həbs edilməsi, AXCP sədri Əli Kərimlinin qohumu Elnur Seyidovun həbsxanada ölümlə təhdid olunması və “REAL” Hərəkatının icraçı katibi Natiq Cəfərlinin həbsi hakimiyyətin referendum qabağı yeni repressiya dalğasına start verdiyini təsdiqləyir.
“Müsavat Partiyası hakimiyyətin bu repressiya tədbirlərini qətiyyətlə pisləyir, bu özbaşınalıqlara son qoymasını, həbs edilənlərin dərhal azad olunmasını tələb edir”, - sənəddə vurğulanır.
Partiya həyata keçirilən repressiyaları referendum ərəfəsində ölkə əhalisində xof yaratmaq cəhdi kimi qiymətləndirir. -02D-
Siyasət
-
Azərbaycan ordusunun Baş Qərargah rəisi Kərim Vəliyev Brüsseldə NATO Hərbi Komitəsi Baş Qərargah rəisləri formatında keçirilən iclasda iştirak edib.
-
“Azel” TV saytının rəhbəri Əfqan Sadıqovun Gürcüstandan Azərbaycana ekstradisiyası Avropa İnsan Hüquqları Məhkəməsinin qərarı ilə bir həftə müddətinə dayandırılıb. Bu barədə Gürcüstan Sosial Ədalət Mərkəzinin rəhbəri, Sadıqovun hüquqi müdafiəsini həyata keçirən Tamta Mikeladze Facebook-da yazıb.
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
Rəy yaz