![Müsavat Partiyası xalqı mübarizəyə çağırır](https://turan.az/resized/750/500/resize/media/2016/main/071900162644.jpg)
Müsavat Partiyası xalqı mübarizəyə çağırır
“Azərbaycan hakimiyyəti son illər qanunvericilik və Konstitusiyaya tez-tez dəyişikliklər edir, bir qayda olaraq, bu dəyişikliklər neqativ olmaqla idarəçiliyin daha da sərtləşməsinə, demokratik cəmiyyət quruculuğuna əngəl yaratmağa xidmət edir”. Bu cümlə Müsavat Partiyasının bu gün yaydığı bəyanatdandır.
Sənəddə deyilir ki, son belə Konstitusiya dəyişikliyi 2009-cu ildə olub. Demokratik seçkilərin keçirilməsi üçün normal seçki sisteminin mövcud olmadığı şəraitdə referendum keçirilərək bir şəxsin iki dəfədən çox prezident seçilməsinə qadağa qoyan müddəa ləğv edilib.
Müəlliflər dövlət başçısı İlham Əliyevin bu günlərdə Konstitusiya Məhkəməsinə (KM) göndərdiyi “Azərbaycan Respublikasının Konstitusiyasında dəyişikliklər edilməsi haqqında” Referendum Aktı layihəsini də tənqid edirlər. “Bu sənədin məzmunu da göstərir ki, hakimiyyət mövcud olan avtoritar rejimi daha da sərtləşdirmək, ölkədə prezident hakimiyyətini mütləqləşdirmək niyyətindədir”, - layihəyə münasibət ifadə edilir.
Müəlliflərə görə, hazırda ölkədə demokratik seçki sistemi mövcud deyil. Belə şəraitdə bu dəyişiklikləri nəzərdə tutan referendum keçirmək ölkədə avtoritar cəmiyyəti daha da möhkəmlətməkdir, bu isə dövlətin və xalqın mənafelərinə ziddir. Son olaraq müəlliflər bütün xalqı cümhuriyyətçilik uğrunda birgə mübarizəyə çağırır.
Xatırladaq ki, dövlət başçısı İlham Əliyev bu günlərdə KM-ə prezidentlik müddətinin 7 ilədək artırılması, prezident iradəsinə bağlı vitse-prezidentlik institutunun yaradılması, prezident seçilmək üçün yaş həddinin aradan qaldırılması, prezidentə növbədənkənar seçkilər təyin etmək səlahiyyətinin verilməsi ilə bağlı layihə göndərib.-05D-
-
- Siyasət
- 19 İyul 2016 16:08
-
- İqtisadiyyat
- 19 İyul 2016 17:41
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz