Mayın 9-da “Xudat hadisələri”lə bağlı inzibati cəza alan Müsavat Partiyası Xaçmaz rayon təşkilatının sədri Heybət Əmrah və onunla birgə cəza almış daha 3 nəfər azad edilib. Bu haqda Turan-a Müsavat Partiyasının təşkilat məsələləri üzrə başqan müavini Gülağa Aslanlı bildirib.
Mayın 9-da partiyanın Xaçmaz rayon təşkilatının sədri H.Əmrah, partiyanın fəalları Fikrət Əliyev, Ələddin Mirzəyev və daha bir nəfər Xaçmaz Rayon Məhkəməsinin qərarı ilə 10 sutka müddətinə inzibati cəza alıblar.
Cəzanın verilməsinə mayın 9-da Xaçmazın Xudat qəsəbəsində baş verən yol- nəqliyyat qəzası səbəb olub. Belə ki, sərhədçi zabit Rövşən Səfərovun maşını Xudat sakininin maşını ilə toqquşub. Zabitlə bu şəxs arasında insident yaranıb. Zabit Xudat sakinlərinin ünvanına nalayiq sözlər işlədib. Buna cavab olaraq qəsəbə sakinləri toplaşaraq etiraz aksiyasına başlayıblar.
Müsavat Partiyası Xaçmaz rayon təşkilatının sədri baş verənləri sosial şəbəkədə paylaşdığı üşün gecə yarısı həbsə alınıb. Hüquq-mühafizə orqanları Xudatda baş verən hadisəyə görə “radikal müxalifəti” günahkar sayıb. Öz növbəsində Müsavat Partiyası bu cəzaları rəsmi Bakının növbəti məmur özbaşınalığını ört-basdır etmək cəhdi adlandırıb.-05B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz