Vətəndaş Cəmiyyətinin müstəqil nümayəndələrindən ibarət açıq hökumət Forumu bu ilin sonunadək yaradılacaq. Bu barədə Demokratiya və İnkişaf Naminə Hərəkatın lideri, iqtisadçı Qubad İbadoğlu Turan agentliyinin “Çətin sual” proqramına müsahibəsində bildirib.
Onu sözlərinə görə, indiki açıq hökumət tərəfdaşlığı üzrə dialoq platformasında “vətəndaş cəmiyyətinin real nümayəndələri təmsil olunmayıb”.
Q.İbadoğlunun fikrincə, bu platformanı açıq adlandırmaq olmaz.
“O, sentyabrda yaradılıb, lakin bu məsələ ilə məşğul olan QHT-lərin bir çoxu kənarda qalıb”, - o qeyd edib.
Belə təəssürat yaranır ki, hökumət özü-özü ilə dialoq aparmaq istəyir.
“Biz, müstəqil QHT nümayəndələri gözləmə mövqeyi tutduq və hökumətə vaxt verdik ki, vəziyyəti düzgün qiymətləndirərək düzgün qərarlar qəbul etsin. Təəssüf ki, bu, olmadı”, - o bildirib.
Q.İbadoğlunun sözlərinə görə, hökumət hesab edir ki, belə tərkiblə beynəlxalq legitimliyə nail olmaq olar və odur ki, əvvəlki siyasəti davam etdirir.
Yeni Forumun nizamnaməsi üzərində müxtəlif sahələri təmsil edən 20-dən çox QHT işləyir.
“Qısa müddətdə vətəndaş cəmiyyətinin müstəqil nümayəndələrindən ibarət açıq hökumət Forumu yaradılacaq”, - iqtisadçı vurğulayıb.–71D-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz