Bakı/19.03.20/Turan: "Beşinci kolonu" müxalifət içində yox, iqtidarın içində axtarmaq lazımdır", deyə Müsavat Partiyasının başqanı Arif Hacılı İlham Əliyevin müxalifətin ölkədə sabitliyi pozmaq üçün koronavirusla bağlı yaranmış vəziyyətdən istifadə etdiyi barədə bəyanatını şərh edərkən bildirib.
"Bütün dünya liderləri koronavirusla bağlı çıxışlarında cəmiyyətin təşkilatlandırılması üçün pozitiv mesajlar verməyə çalışırlar. Təəssüf ki, İlham Əliyev öz çıxışında yenə barmaq silkələdi və yenə daxili düşmənlərdən danışdı.
Azərbaycanda beşinci kolonun fəaliyyəti var. Beşinci kolona aid olan çox şəxslər hakimiyyətin yüksək eşelonlarında təmsil olunurlar. Xüsusilə Azərbaycanda Rusiyanın maraqlarını təmsil edən bir çox şəxslərdən söhbət gedir. Onların bəziləri yüksək vəzifələrdən kənarlaşdırılsalar da, yenə də İranın və Rusiyanın mənafeyini ifadə edən, Azərbaycan mənafeyinə uyğun olmayan fəaliyyətlə məşğul olurlar. Onların kimliyini İlham Əliyev çox yaxşı bilir. Bu halda demokratik müxalifətə irad tutmaq üçün heç bir əsas yoxdur", deyə Hacılı bildirib.
"Dövlət strukturlarının fəaliyyətsizliyi narahatlıq doğurur. Məsələn, ictimaiyyət bilmir ki, bu ölkədə səhiyyə naziri var ya yox. O haradadır? Problemləri müxalifətdə yox, hakimiyyətin daxilində axtarmaq lazımdır", deyə Hacılı qeyd edib.
Xalq Cəbhəsi Partiyasının sədr müavini Seymur Həzi də Əliyevin bəyanatını tənqid edərək, müxalifətin ünvanına ittihamların əsassız olduğunu qeyd edib.
"Biz xalqı iğtişaşa uymamağa, panikaya getməməyə çağırırıq. Bunda pis nə var? Sadəcə olaraq hakimiyyət müxalifətçiləri təcrid etmək üçün fürsətdən istifadə etmək istəyir.
Hazırda bütün vicdanı olan insanlar bütün səylərini ölkənin bu vəziyyətdən yaxşı çıxmasına yönəltməlidirlər, qarşıdurma haqqında düşünməməlidirlər", deyə Həzi bildirib. -21B-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz