Müxalifət konstitusiya referendumuna təşəbbüs göstərir

15-dən çox təşkilatın daxil olduğu “Siyasi Partiyaların Demokratiya və İnsan Hüquqları Mərkəzi” Konstitusiyaya düzəlişlərin edilməsi üçün referendum keçirilməsinə təşəbbüs göstərmək niyyətindədir.

İdeya ötən gün Demokrat Partiyasının mənzil-qərargahında keçirilən dinləmələr zamanı təqdir edilib.

Xalq Partiyasının lideri Pənah Hüseyn Turan-a bildirib ki, demokratik islahatlar konsepsiyasının hazırlanması və 2018-ci ilədək onun reallaşması qərara alınıb.

Konstitusiyaya düzəlişlər, əsasən 2015-ci il parlament seçkilərinə qədər proporsional seçki sisteminin bərpası islahatların bir hissəsi olmalıdır.

Bu məqsədlə referenduma təşəbbüs  üzrə 45 min seçici imzasının toplanması üçün işçi qrupu yaradılacaq.

Bununla yanaşı repressiyalara qarşı mübarizə davam etdiriləcək və mitinq komitəsi yaradılacaq.

Eyni zamanda mərkəz hakimiyyətlə dialoqa hazır olduğunu bildirir. P.Hüseynin fikrincə, siyasi məhbusların azad edilməsi cəmiyyətdəki gərginliyin aradan qaldırılmasına xidmət edərdi.

Mərkəzə aşağıdakı partiyalar daxildir: Müsavat, Klassik Xalq Cəbhəsi, Liberal, Xalq, Demokrat, İslam-Demokrat, Vətəndaş və İnkişaf, Ümid, Azad Demokratlar, Aydınlar, Azadlıq, Vahid Azərbaycan Milli Birlik və s.06--