![Müxalifət liderləri səsvermənin total pozuntularla getdiyini bəyan edirlər](https://turan.az/resized/media/2013/main/100900052858-750-500-resize.webp)
Müxalifət liderləri səsvermənin total pozuntularla getdiyini bəyan edirlər
Azərbaycan müxalifətinin liderləri prezident seçkilərinin səsvermə mərhələsi haqda Turan-a açıqlamalar veriblər.
Müsavat Partiyasının başqanı İsa Qəmbər Demokratik Qüvvələrin Milli Şurasının və xalqın namizədi Cəmil Həsənliyə səs verdiyini deyib.
Eyni zamanda, seçkilərin kütləvi saxtakarlıqla müşaiyət olunduğunu söyləyib. Onun sözlərinə görə, iqtidar heç nəyə baxmadan nəticələrin saxtalaşdırılması üçün əlindən gələni edir. “Karusel” əməliyyatı işə salınıb, Milli Şuranın müşahidəçilərinə müşahidə maneçilikləri törədilir.
Bundan əlavə, Müsavat Partiyası başqanı bu seçkidə bir şəxsin bir neçə yerdə səsverməsi kimi üsulun işə salındığını nəzərə çatdırıb. “Bu isə iqtdarın xalqın səsini qazana bilməyəcəyinin etirafıdır”, - deyə İ.Qəmbər saxtakarlıqların mahiyyətinə şərh verib.
Xalq Cəbhəsi Partiyasının sədri Əli Kərimli ölkədə demokratik seçki mühiti olmamasına baxmayaraq, müxalifətin birləşməsi, seçkidə vahid namizədlə iştirakı, prezidentliyə namizəd Cəmil Həsənlinin uğurlu kampaniya aparmasının insanları səsverməyə həvəsləndirdiyini söyləyib. Amma iqtidarın yenə də əvvəlki seçkilərdə olduğu kimi seçkiləri saxtalaşdırmaq yolu tutduğunu vurğulayıb. Belə ki, bülletenlər qutulara topa şəklində atılır, müxalifət müşahidəçilərinə müşahidə imkanı verilmir, “karusel” əməliyyatı işə salınır, icra qurumları seçki prosesinə qanunsuz müdaxilələr edirlər. Bununla yanaşı, AXCP sədri bu saxtakarlıqlara baxmayaraq, C.Həsənliyə səs vermək qərarında olan seçiciləri bu saxtakarlıqdan darıxmamağa, səsvermədən soyumamağa, seçki məntəqələrinə gedərək səs verməyə dəvət edib.-05B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz