Müxalifət Məhəmməd Əmin Rəsulzadənin abidəsi önündə tədbir keçirib (VİDEO)
Qarlı, şaxtalı hava şəraitinə baxmayaraq, müxalifət partiya və hərəkat fəalları yanvarın 31-də Azərbaycan Xalq Cümhuriyyətinin (AXC) qurucularından biri Məhəmməd Əmin Rəsulzadənin (1918-1920-ci illər) abidəsi önündə anım tədbiri keçiriblər. Aksiya Bakının yaxınlığında Novxanı qəsəbəsində keçirilib və Rəsulzadənin anadan olmasının 133-cü ildönümünə həsr olunub.
Aksiya iştirakçıları M.Ə Rəsulzadənin “İnsanlara hürriyyət, millətlərə azadlıq!” sözləri yazılmış şüarlar tutublar.
AXCP lideri Əli Kərimli qeyd edib ki, Rəsulzadənin demokratiya, insan hüquq və azadlıqları barəsində fikirləri bu gün də öz aktuallığını saxlayır.
Müsavat Partiyasının sədri Arif Hacılı deyib ki, onun rəhbərlik etdiyi təşkilat Rəsulzadə ideyalarına sadiqdir, Azərbaycanda demokratiya uğrunda mübarizəni davam etdirir və gücləndirir. O, Rəsulzadədən sitat gətirib: “Parlament üzvü olmaq, hökumətdə təmsil olunmaq şərəfli olmaq demək deyil. Ən böyük şərəf əqidəsinə həyatı boyu sadiq qalmaqdır”.
“Bu gün Azərbaycanda əcaib bir rejim var. Heç bir şəkildə Azərbaycana layiq olmayan şəkildə rejim var. Bu rejim Rəsulzadəni xalqın ürəyindən silib Azərbaycan tarixində heç bir bir yer tutmayacaq insana abidələr ucaltmağa çalışır. Ancaq bu, mümkün deyil və mümkün olmayacaq. Nəhayət ki, Azərbaycan gəncliyi öz sözünü dedi. Azərbaycan gəncləri Bayram Məmmədov və Qiyas İbrahimov ( Heydər Əliyevin abidəsini yazanlar) Azərbaycan xalqının qəlbindəki, şüurundakı əsas abidələrin ünvanını göstərmiş oldu”, - İsa Qəmbər bildirib.
D-18 Hərəkatının lideri Ruslan İzzətli deyib ki, Rəsulzadə özünü Azərbaycanın müstəqilliyinə və azadlığına həsr edib.
“Biz bura şəxsiyyətə pərəstişə toplaşmamışıq, əksinə, bura gəlməklə bizdə özgüvən, sabaha inam yaranır. Biz Rəsulzadəyə baxanda sabahımızı görürük”, -o vurğulayıb.-36/16d-
-
- İqtisadiyyat
- 31 Yanvar 2017 15:17
-
- İqtisadiyyat
- 31 Yanvar 2017 15:54
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz