Namiq İslamzadə müdafiə nazirinin müavini, Azərbaycan Hərbi Hava Qüvvələrinin komandanı təyin edilib
Namiq İslamzadə müdafiə nazirinin müavini, Azərbaycan Hərbi Hava Qüvvələrinin komandanı təyin edilib
Azərbaycan prezidentinin sərəncamı ilə general-mayor Namiq İslamzadə müdafiə nazirinin müavini, Azərbaycan Hərbi Hava Qüvvələrinin komandanı təyin edilib.
Bu ilin mayında general-leytenant Ramiz Tahirov ehtiyata buraxıldıqdan sonra Hərbi Hava Qüvvələrinin komandanı vəzifəsi vakant qalırdı.
O zaman İslamzadə Hərbi Hava Qüvvələri komandanı vəzifəsinin icraçısı təyin edilmişdi. 50 yaşlı İslamzadə bərdəlidir. Türkiyə Ali Hərbi Aviasiya Məktəbini bitirib.
İkinci Qarabağ Müharibəsində iştirak edib. Vətən Müharibəsi Qəhrəmanı adına layiq görülüb, digər orden və medallarla, o cümlədən Füzuli və Xocavəndin azad edilməsinə görə medalları ilə təltif edilib.
2021-ci ildən Azərbaycan Hərbi Hava Qüvvələri komandanının müavinidir.
Siyasət
-
Azərbaycanın Laçın şəhəri 2025-ci ildə MDB-nin mədəniyyət paytaxtı olacaq, daha sonra estafet erməni Mehrisinə, ondan sonra isə Belarusun Molodeçno şəhərinə keçəcək. Bunu Rusiya prezidenti Vladimir Putin çərşənbə axşamı Moskvada MDB sammitində deyib.
-
Bugünkü təkbətək görüşlərdə Rusiya prezidenti Vladimir Putin İlham əliyev və Nikol Paşyanla yarım saata yaxın söhbət edib. Bu barədə jurnalistlərə Rusiya prezidentinin mətbuat katibi Dmitri Peskov bildirib.
-
Oktyabrın 8-də Rusiya prezidenti Vladimir Putin və Ermənistanın baş naziri Nikol Paşinyan Kremldə görüşüblər. Onların danışıqlarının əsas mövzularından biri Bakı və Yerevan arasında münasibətlərin normallaşmasıdır. Bundan öncə Rusiya prezidenti analoji məsələni Azərbaycan prezidenti İlham əliyevlə müzakirə edib.
-
Bu gün Milli Məclis ətraf mühitin çirklənməsinə görə məsuliyyətin sərtləşdirilməsi haqqında İnzibati Xətalar Məcəlləsinə dəyişiklikləri birinci oxunuşda qəbul edib. Belə ki, gəminin bortundan zibil və digər əşyaların atılmasına görə cərimə 30 manatdan 300 manatadək artırılıb.
Sülh müqaviləsindən kim yayınır: Ermənistan, yoxsa Azərbaycan? – Elxan Şahinoğlu Çətin sualda
Xəbər lenti
-
- Cəmiyyət,
- 16:18
- 203
Rəy yaz