NATO Azərbaycanın Türkiyə ilə əməkdaşlığını müsbət qiymətləndirir

Bakı/29.04.22/Turan: Müdafiə naziri Zakir Həsənov cümə günü NATO-nun Qafqaz və Mərkəzi Asiya üzrə xüsusi nümayəndəsi Havyer Kolominanı qəbul edib.

NATO ilə əməkdaşlıqdakı uğurları qeyd edən Həsənov münasibətlərin gələcəkdə də inkişaf etdirilməsinin əhəmiyyətini qeyd edib, bu barədə Müdafiə Nazirliyinin mətbuat xidmətində deyilir.

Kolomina öz növbəsində Azərbaycan Ordusunun Türkiyə Silahlı Qüvvələri ilə sıx əməkdaşlığını müsbət qiymətləndirib. Onun sözlərinə görə, bu əməkdaşlıq Azərbaycan-NATO münasibətlərinə böyük töhfə verəcək.

Tərəflər görüşdə ikitərəfli münasibətlərin inkişaf perspektivləri, regionda hərbi-siyasi vəziyyət və qarşılıqlı maraq doğuran digər mövzularla bağlı fikir mübadiləsi aparıblar.

Xatırladaq ki, dünən prezident İlham Əliyev Kolominanı qəbul edib.

Söhbət zamanı Azərbaycan və Ermənistan arasında münasibətlərin normallaşdırılması, enerji təhlükəsizliyi və regional təhlükəsizlik, Azərbaycan-NATO əməkdaşlığının perspektivləri haqqında da fikir mübadiləsi aparılıb. -05В06-