![NATO baş katibi Bakıya enerji təhlükəsizliyi sahəsində əməkdaşlıq təklif edib](https://turan.az/resized/750/500/resize/media/2012/main/090700010455.jpg)
NATO baş katibi Bakıya enerji təhlükəsizliyi sahəsində əməkdaşlıq təklif edib
NATO baş katibi Anders Foq Rasmussen prezident İlham Əliyevlə müdafiə və təhlükəsizlik sahəsində əməkdaşlıq məsələlərini müzakirə edib.
Şimali Atlantik Alyansın saytında yer alan məlumata görə, cümə günü Bakıda görüş zamanı Rasmussen Əfqanıstanda NATO qüvvələrinin dəstəklənməsinə və əfqan hərbiçilərinin və təhlükəsizlik qüvvələrinin hazırlanmasına görə təşəkkürünü bildirib. O, həmçinin 2014-cü ildə koalisiya qüvvələri çıxarıldıqdan sonra da Əfqanıstanı dəstəkləmək niyyətlərinə görə təşəkkür edib.
“Münasibətlərimiz daim və müsbət istiqamətdə inkişaf edir”, deyən Rasmussen əlavə edib ki, “Azərbaycan NATO-nun dəyərli tərəfdaşıdır” və möhkəm və uzunmüddətli münasibətlər qurmaq imkanı var.
Onun sözlərinə görə, NATO hər iki tərəfin hərbi qüvvələrinin Əfqanıstanda və digər yerlərdə birgə fəaliyyət göstərə bilməsi üçün təcrübi tədbirlərin möhkəmləndirilməsini və dərinləşdirilməsini istəyir.
Xüsusən, NATO enerji təhlükəsizliyinin təmin edilməsi sahəsində əməkdaşlığın möhkəmləndirilməsi üçün platforma ola bilər.
Eyni zamanda, Alyans Azərbaycana müdafiə və təhlükəsizlik sahələrində islahatları davam etdirməyi tövsiyə edir.
Baş katib həmçinin regional təhlükəsizlik və xüsusən, Ermənistan və Azərbaycan arasında barışıq məsələlərinə də toxunub.
İrəliləməyin yeganə yolu dialoq, kompromislər və əməkdaşlıqdır, deyə o bildirib. -02D-
-
- İqtisadiyyat
- 7 Sentyabr 2012 18:15
-
- Cəmiyyət
- 7 Sentyabr 2012 18:49
Siyasət
-
Sentyabrın 1-də keçiriləcək Milli Məclisə növbədənkənar seçkilərdə deputatlığa namizəd olmaq üçün 806 nəfər dairə seçki komissiyalarına müraciət edib. Bu barədə Mərkəzi Seçki Komissiyasının (MSK) bugünki iclasında bu qurumun rəhbəri Məzahir Pənahov bildirib.
-
Cümə günü Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam edib. Məhkəmə Yasamal Rayon məhkəmə iclasının katibinin iki il əvvəl Hacıyev və zərərçəkmiş Ülviyyə Muradova (Alovlu) arasında münaqişə haqqında ifadəsini dinləyib.
-
35 gündür aclıq edən iqtisadçı Fazil Qasımov 1 saylı Bakı İstintaq Təcridxanasının tibbi sanitar hissəsinə keçirilib, bu barədə Turan-a iyulun 19-da günün ikinci yarısında vəkil Rövşanə Rəhimova bildirib.
-
Tbilisidə yerləşən Hüquq və Azadlıqların Müdafiəsi İnstitutu Azərbaycanın Azel.tv saytının təsisçisi Əfqan Sadıqovun üçüncü ölkələrə getməsinə qadağa qoyulması ilə əlaqədar bəyanat yayıb.
Rəy yaz