![NATO Sammiti Ukrayna üçün "körpü təklif etməyə" hazırdır](https://turan.az/resized/news/2024/ANoH132JxBWfi5SxWllvuYuKpCeWNzAR5mD5muBA-750-500-resize.webp)
NATO Sammiti Ukrayna üçün "körpü təklif etməyə" hazırdır
NATO Sammiti Ukrayna üçün "körpü təklif etməyə" hazırdır
Bazar ertəsi Birləşmiş Ştatlar Ukraynanın NATO-ya daxil olmaq barədə müraciətinə dəstəyini təsdiq edib. Alyans Vaşinqtonda keçiriləcək sammitdə Kiyev üçün "körpü" təklif etməyə hazırdır, bu barədə Turan-ın Vaşinqtondakı müxbiri bildirib.
"Hesab edirik ki, Ukrayna üçün qısa və maneəsiz yol açılıb", deyə dövlət katibinin Avropa və Avrasiya məsələləri üzrə köməkçisi Ceyms O'Brayen brifinqdə bildirib.
"Bizim mövqeyimiz çox aydındır. Prezident Baydenin dediyi kimi, Ukrayna NATO-nun tərkib hissəsi olmağa hazır olmaq üçün bəzi islahatlar aparmalıdır. İnanırıq ki, Ukrayna bu islahatları həyata keçirəcək", deyə o, sözünə davam edib.
Cəbhədəki vəziyyətdən danışan O'Brayen deyib ki, son həftələrdə vəziyyət "əhəmiyyətli dərəcədə dəyişib" və zaman "Rusiyanın deyil, Ukraynanın tərəfindədir".
Amerikanın yardımı daxil olduqdan sonra Rusiya geri çəkilmək məcburiyyətində qalıb və bu, onun hücumunun uğurunu azaldıb, deyə O'Brayen qeyd edib.
ABŞ-ın Amerika silahlarından Rusiya ərazilərinin maksimum 100 km dərinliyinə qədər istifadəyə icazə verdiyi doğrudur? Turan-ın müxbirinin bu sualına O'Brayen təsdiq cavabı verib.
"Biz ukraynalıların təhlükəsizliyinə qarşı birbaşa təhdidlərə reaksiya verməyə çalışırıq. Biz görürük ki, Ukraynanın təhlükəsizliyini təhdid altında qoyan hədəflərə hücum zərurətdir. Hesab edirik ki, bu, verilmiş diapazon daxilindədir. Bu strategiya Moskvanın ABŞ-ın müharibəni gücləndirməyə çalışdığı haqqında bütün bəyanatlarını təkzib edir", deyə o qeyd edib.
Siyasət
-
İyulun 28-də ABŞ-ın Azərbaycandakı Səfirliyi ABŞ-ın müstəqilliyinin bəyan olunmasının 248-ci ildönümü münasibəti ilə qəbul təşkil edib.
-
ABŞ Azərbaycan və Ermənistan arasında sülhə nail olmaq üçün imkanlarş görür. Bu barədə bu gün Bakıda keçirilən brifinqdə ABŞ dövlət katibinin Avropa və Avrasiya məsələləri üzrə köməkçisi Ceyms O'Brayen bildirib.
-
Təkrar sertifikastlaşmadan keçə bilməyən 50 nəfərə yaxın müəllim iyunun 28-də Elm və Təhsil Nazirliyinin önünə gələrək narazılığını bildirib.
-
İyunun 28-də Prezident İlham Əliyev altıncı çağırış Milli Məclisin buraxılması və Milli Məclisə növbədənkənar seçkilərin təyin edilməsi haqqında Sərəncam imzalayıb.
Rəy yaz