Naxçıvan Ali Məclisinin sədri Türkiyə və Gürcüstanın müdafiə nazirləri ilə görüşüb

Türkiyə və Gürcüstanın müdafiə naziri İrakli Alasaniya Azərbaycan, Türkiyə və Gürcüstan müdafiə nazirlərinin üçtərəfli görüşlər keçirmək üçün Naxçıvana səfərə gəliblər.
Naxçıvan Ali Məclisinin sədri Vasif Talıbov Türkiyə və Gürcüstan müdafiə nazirləri İsmət Yılmaz və İrakli Alasaniya ilə görüşüb.
V.Talıbov son Naxçıvanın bir sıra beynəlxalq səviyyəli tədbirlərə ev sahibliyi etdiyini diqqətə çatdırıb. O, Naxçıvanla  Türkiyə və Gürcüstan arasında təhsil, səhiyyə, iqtisadiyyat və nəqliyyat sahələrində əməkdaşlıq mövcud olduğunu vurğulayıb. Qeyd edib ki, strateji maraqlara uyğun olaraq hər üç ölkənin beynəlxalq təşkilatlar və ikitərəfli əsasda əlaqələrinin genişləndirilməsi mühüm əhəmiyyət daşıyır. V.Talıbov Naxçıvanın blokada şəraitində yaşadığını, amma buna baxmayaraq bölgədə sosial-iqtisadi inkişafın davamlı xarakter aldığını deyib. Naxçıvanın müdafiə potensialının gücləndirilməsi yönündə mühüm işlər görüldyü vurğulanıb. Əlahiddə Ümumqoşun Ordusunun hərbi hissə və birləşmələrinin döyüş qabiliyyəti gücləndirildiyi, Heydər Əliyev adına Hərbi Liseydə ordu üçün ixtisaslı kadrlar hazırlandığı vuröulanıb. O, Azərbaycan, Türkiyə və Gürcüstan müdafiə nazirlərinin Naxçıvan görüşünün faydalı olacağına əminliyini ifad edib.
Azərbaycanın müdafiə naziri Zakir Həsənov hər üç ölkə arasında siyasi və iqtisadi əlaqələrin uğurla inkişaf etdiyini diqqətə çatdırıb, Naxçıvan görüşünün hərbi sahədə əməkdaşlıq üçün yeni imkanlar açacağına əminliyini ifadə edib.
Türkiyə müdafiə naziri İsmət Yılmaz Naxçıvana səfərindən məmnunluq bildirib.İ.Yılmaz Türkiyə ilə Azərbaycanın Naxçıvan arasında əlaqələrin qurulmasında tarixi Moskva və Qars müqavilələrinin əhəmiyyətini xatırladıb. Son illər həyata keçirilən qarşılıqlı rəsmi səfərlərin siyasi, iqtisadi, təhsil və digər sahələrdə münasibətlərin inkişafına töhfə verdiyini bildirib.
Türkiyə müdafiə naziri ölkəsinin qardaş Azərbaycanın ərazi bütövlüyünü dəstəklədiyini diqqətə çatdırıb, hərbi əməkdaşlıq sahəsində qarşılıqlı səylərin göstərildiyini qeyd edib.
Gürcüstan müdafiə naziri İrakli Alasaniya müdafiə nazirlərinin Naxçıvan görüşünün hər üç ölkə üçün əhəmiyyətli olduğunu deyib. Qeyd olunub ki, bu gün Gürcüstan, Azərbaycan və Türkiyə arasında əlaqələr strateji tərəfdaşlıq səviyyəsinə yüksəlib. Bu münasibətlərin davam etdirilməsində və regionda sülhə nail olunmasında hərbi sahədə əməkdaşlığın mühüm rolu olması xüsusi vurğulanıb.
Söhbət zamanı hər üç ölkə arasındakı hərbi-siyasi vəziyyət və qarşılıqlı maraq doğuran digər məsələlər ətrafında fikir mübadiləsi aparılıb.
Türkiyə müdafiə naziri İ.Yılmaz Naxçıvan Ali Məclisinin sədri V. Talıbova xatirə hədiyyəsi təqdim edib.
V.Talıbov adından nazirlərə və onları müşaytə edən heyətə rəsmi ziyafət verilib.-05D-