Açiq mənbələrdən foto.
Naxçıvan elitasının çökdürülməsi vüsət alır, maliyyə naziri həbs edilib
Bakı/28.11.22/Turan: Noyabrın 26-da hakim Ülviyyə Şükürovanın sədrliyilə Bakının Səbail Rayon Məhkəməsi Naxçıvan Muxtar Respublikasının maliyyə naziri Rəfael Əliyev 4 aylıq istintaq müddətinə həbs edib.
Səbail məhkəməsindən Turan-a bildiriblər ki, nazir Cinayət Məcəlləsinin 179.4-cü maddəsilə (külli miqdarda mənimsəmə) təqsirli bilinib.
Rafael Əliyev vəzifə səlahiyyətlərindən sui-istifadə və 144 milyon manat dövlət vəsaitini mənimsəməkdə ittiham olunur. Əliyevin vəkilləri və qohumları onun həbsini hələlik şərh etməyiblər.
Xatırladaq ki, ötən həftə Dövlət Təhlükəsizliyi Xidməti Naxçıvan Gömrük Komitəsində əməliyyat keçirərək, bu qurumun şöbə rəisi Mənsur Əsgərovu saxlayıb. Noyabrın 24-də Bakının Səbail Rayon Məhkəməsi onu da 4 ay müddətinə həbs edib. O 132 milyon manatı mənimsəməkdə ittiham olunub.
Qeyri-rəsmi məlumatlara görə, Naxçıvan gömrüyündə 10 nəfər həbs edilib. Hələlik Dövlət Təhlükəsizliyi Xidməti Naxçıvanda korrupsionerlərə qarşı əməliyyatın gedişi və nəticələri barədə ətraflı məlumat verməyib.
Qeyd edək ki, Naxçıvan Muxtar Respublikasının dövlət məmurlarının həbsini yerli məhkəmə deyil, Bakının Səbail Rayon Məhkəməsi həyata keçirir.
Müşahidəçilərin fikrincə, güc strukturlarının əsas zərbəsi “Naxçıvan xanı” - Naxçıvan Ali Məclisinin sədri Vasif Talıbova yönəlib. Azərbaycanın bu muxtar regionunda bütün məsələləri ancaq o həll edir və bu cür yüksək məmurların həbsi şəxsən ona təsir etməyə bilməz. Uzun müddətdir ki, Talıbovun avtoritar hakimiyyəti vətəndaşların minimum hüquq və azadlıqlarının belə tam olmamasına və total korrupsiyaya görə beynəlxalq strukturların tənqid obyektinə çevrilib.
Muxtariyyətdə yüksək vəzifəli şəxslərinin gələcək həbsləri kifayət qədər məntiqli olacaq. 03
-
- İqtisadiyyat
- 28 Noyabr 2022 11:19
-
- Siyasət
- 28 Noyabr 2022 11:51
Siyasət
-
Son bir həftə ərzində polis Xankəndində onlarla müxtəlif növ atıcı və soyuq silah, minlərlə patron aşkar edib.Azərbaycan DİN-in məlumatına görə, 27 aprel-3 may tarixləri arasında Xankəndi şəhəri ərazisində 33 avtomat silahı, 1 pulemyot, 10 tapança,14 tüfəng, 1 qumbaraatan, 59 qumbara, 34 alışdırıcı, 397 patron darağı, 7888 ədəd müxtəlif çaplı patron, 1 qutu trotil, 27 ədəd süngü-bıçaq və digər sursatlar aşkar olunaraq götürülüb.
-
Azərbaycan və Avropa İttifaqı Orta Dəhlizin inkişafı məsələlərini müzakirə edib, bu bardə Azərbaycanın rəqəmsal inkişaf və nəqliyyat naziri Rəşad Nəbiyev X sosial şəbəkəsində yazıb.
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
Rəy yaz