Nazirlər barədə ittiham Ədliyyə Nazirliyinə verilib

2013-cü il dekabrın 17-də Türkiyədəki “korrupsiya və rüşvət əməliyyatı” çərçivəsində adları ağır ittihamlarda keçən 4 keçmiş nazirlə bağlı ittihamın xülasələri Türkiyə Ədliyyə Nazirliyinə verilib. Xəbəri Türkiyənin “haber.com” saytı yayıb.

Xülasəyə görə, keçmiş nazir Z.Çağlayan 28 dəfə üst-üstə 52 milyon dollar almaq, cinayətkar dəstə yaratmaq, saxta sənədlərlə 150 min tonluq ixracat etmək, ölkəyə qanunsuz 1.5 ton qızıl gətirməkdə, M.Gülər 10 dəfə üst-üstə 10 milyon dollarlıq rüşvət almaqda, cinayət işləmək məqsədilə dəstə yaratmaqda, nazir Egemen Bağış 3 dəfə üst-üstə 1.5 milyon dollar rüşvət almaqda ittiham edilirlər.

Xatirladaq ki, adı çəkilən əməliyyatın nəticəsi olaraq daxili işlər naziri Müəmmər Gülərin, iqtisadiyyat naziri Zəfər Çağlayanın və ekologiya naziri Ərdoğan Bayraqdarın oğlanları da həbsə alınıblar. Sonradan Ə.Bayraqdarın oğlu cinayətə yol vermədiyi üçün azad edilib.

Bundan əlavə, rüşvət almaqda Avropa işləri üzrə nazir Egemen Bağışın da adı keçirdi. Bu ittihamların nəticəsində adı çəkilən nazirlər vəzifəsindən azad olunublar.-05D-