Nemət Pənahlı həbsxanada aclıq aksiyası keçirir

17 saylı həbsxanada dustaq olan Milli Dövlətçilik partiyasının sədri Nemət Pənahlının həyatına təhlükə yaranıb. Bu haqda artıq fəaliyyətini dayandırmış “NotaBene” qəzetinin keçmiş redaktoru Sərdar Əlibəylri çərşənbə günü keçirdiyi mətbuat konfrnasında söyləyib.

Onun sözlərinə görə dekabrın 18-də N.Pənahlı karserə salınıb. Birinci dəfə dekabrın 6-dan 16-na kimi karserdə saxlanılıb. Həbsxna rəhbərliyi bunu N.Pənahlının rejimi pozması ilə əlaqələndirir. 

S.Əlibəyli N.Pənahlının dekabrın 13-dən aclıq aksiyasına başladığını, şəkər xəstəsi olduğuna görə bu aksiyanın səhhəti üçün təhlükəli olduğu deyilib. Onun sözlərinə görə həbsxana rəhbərliyi N.Pənahlını daim təxribata çəkir. Həbsxana rəhbərliyi N.Pənahlının dustaqlara qarşı ədalətsiz münasibətə sərt reaksiya verdiyini bilir.  

 Dekabrın 6-da bu həbsxanada güclü qarşıdurma olub, həbsxanaya qoşun yeridilib, amma bu ictimaiyyətdən gizlədilir. S.Əlibəyli demək olar ki, bütün dustaqların möhkəm döyüldüklərini, N.Pənahlının isə 10 gün müddətinə karserə salındığını bildirib. 

“Mətbuat konfransını keçirməkdə əsas məqsəd həbsxanlarda və xüsusilə 17 saylı həbsxanada qorxulu vəziyyət yaranması haqda məlumat verməkdir. Biz ictimaiyyətin diqqətini məhbuslara olan qəddar davranışa və N.Pənahlıya olan təhlükəyə yönəltmək istəyirik”-deyə S.Əlibəyli bildirib. Onun fikrincə, hakimiyyət N.Pənahlının ictimiyyətə təsirini nəzərə alaraq onu aradan götürmək istəyir. 

N.Pənahlı 2011-ci ilin yanvarında həbsə alınıb, xuliqanlıqda, bədənə xəsarət yetirməkdə ittiham edilərək 6 il azadlıqdan məhrum olunub.-04C06-