![Sadələşdirilmiş vergi qaydalarına yenidən baxılır](https://turan.az/resized/./turan-750-500-resize.webp)
Sadələşdirilmiş vergi qaydalarına yenidən baxılır
Vergilər Nazirliyi Vergi Məcəlləsinə əlavə və dəyişikliklər barədə təkliflər hazırlayıb. Qanun layihəsi Milli Məclisin iqtisadi siyasət komitəsində müzakirə edilib. Amma onun bir sıra müddəaları cəmiyyət tərəfindən birmanlı qarşılanmayıb.
Təklif olunan dəyişikliklərə əsasən, mal satışı (xidmət və iş) həyata keçirilməsindən sadələşdirilmiş vergiyə cəlb edilən məbləğ fiziki və hüquqi şəxslər üçün ildə 120 min manatdır. Bu gün fiziki şəxslər üçün bu göstərici 90 min manat, hüquqi şəxslər üçün 120 min manatdır. Sadələşdirilmiş vergi dərəcəsi Bakıda dövriyyənin 4%-i, şəhər və rayonlarda 2%-i qədərdir.
«Tacirlər və İstehsalçılar» İB sədri Sevgim Rəhmanov Turan-a deyib ki, bu qanunvericilik təşəbbüsünün məntiqi yoxdur. «120 min manat kiçik ticarət obyektinin dövriyyəsidir və ƏDV subyekti olmamaq üçün vergi ödəyənlər real dövriyyəni gizlədirlər. Vergilər Nazirliyində bunu bilirlər. Amma bu potensial korrupsiya mənbəyi qalır», deyə o qeyd edib. Kiçik biznesin maraqlarının təmsilçisi hesab edir ki, malların qiymət artımı, istehlak bazarında inflyasiya nəzərə alınanda sadələşdirilmiş vergiyə cəlb edilən dövriyyə həcmi 250 min.-300 min manat olmalıdır». Bu problemin kompleks həlli üçün qaimə sənədləri məsələsi həllini tapmalıdır. Rəhmanovun sözlərinə görə, idxal malları və ölkədə istehsal edilən malların bir hissəsinin qaiməsi olmur, bu isə mühasibat uçotu və vergidə özünü göztərir. Ticarət şəbəkəsi real dövriyyəni gizlətməlidir, çünki ƏDV hesablaşması üçün zəruri sənədləri təqdim edə bilmir. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz