![Nəqliyyat nazirinin oğlu ABŞ-da memorial tikintisini maliyyələşdirir](https://turan.az/resized/media/2013/main/091300049607-750-500-resize.webp)
Nəqliyyat nazirinin oğlu ABŞ-da memorial tikintisini maliyyələşdirir
Azərbaycanın nəqliyyat naziri Ziya Məmmədovun oğlu Anar Məmmədov ABŞ-da aviasiya qəzası qurbanları Memorialının tikintisini maliyyələşdirir.
Anar Məmmədovun rəhbərlik etdiyi Azərbaycan-ABŞ Alyansının məlumatında deyilir ki, sentyabrın 10-da Pensilvaniya ştatında Memorialın bünövrəsinin qoyulması mərasimi keçirilib, tədbirdə ABŞ daxili işlər naziri Salli Cuel də iştirak edib.
United Airlines aviaşirkətinin nümayəndəsi King Laflin Anar Məmmədova və Azərbaycan xalqına Memorialın tikintisində iştiraka görə minnətdarlığını bildirib.
“Bu göstərir ki, N93 reysinin tarixi təkcə Pensilvaniya və təkcə Amerika haqqında tarix deyil, həm də azadlığın qayğısına qalanların tarixidir”, deyə o bildirib.
“Azərbaycan terrora qarşı müharibədə ABŞ-ı qətiyyətlə dəstəkləyib və mən hesab edirəm ki, Azərbaycanın Memorialın tikintisində iştirakı Azərbaycan və Amerika xalqları arasında qarşılıqlı anlaşma və hörməti möhkəmləndirəcək”, deyə öz növbəsində Anar Məmmədov bildirib.
Rəsmi məlumata əsasən, Memorialın tikintisi 60 mln. dollara başa gələcək. Bu məbləğin 40 mln. dolları şəxsi ianələr hesabına toplanıb.
Anar Məmmədovun məhz nə qədər vəsait verdiyi bildirilmir. Layihə 2015-ci ildə yekunlaşmalıdır.
Xatırladaq ki, 93 saylı reys 2001-ci il sentyabrın 11-də ABŞ-da terrorçular tərəfindən ələ keçirilmiş dörd təyyarədən biri idi. Terrorçular onu Ağ Evə yönləndirməyə çalışıblar, lakin sərnişinlər onlara qarşı mübarizə aparıb və təyyarə Pensilvaniyada qəzaya uğrayıb. -25D-
-
- Siyasət
- 13 Sentyabr 2013 16:25
-
- İqtisadiyyat
- 13 Sentyabr 2013 16:41
Siyasət
-
Avropa Şurasının prezidenti Şarl Mişel regionda gərginliyin artması fonunda Ermənistan və Azərbaycan arasında sülhün bərqərar olması üçün səyləri gücləndirir.
-
Müdafiə Nazirliyindən Turana bildirilib ki, iyulun 30-u xidmətdən kənar saatlarda Laçın rayonunda dörd hərbçi həlak olub. Kapitan Emnalıyev Asif, gizir Cəbrayılov Fərid, müddətdən artıq həqiqi hərbi xidmət hərbi qulluqçuları çavuş Səmədov Tural və çavuş Şahmarlı Emin Laçın rayonu ərazisində kükürd qazlı termal sularda çimərkən zəhərləniblər.
-
Çərşənbə axşamı ABŞ dövlət katibinin Avropa və Avrasiya üzrə köməkçisi Ceyms O'Brayen Senatın Xarici Əlaqələr Komitəsində çıxış edərkən Vaşinqtonun Azərbaycan və Ermənistana sülh müqaviləsi bağlamaqda kömək etmək səyləri və Rusiyanın bunu öz şərtləri əsasında həyata keçirmək cəhdləri barədə danışıb.
-
İyulun 31-də İranın yeni prezidenti Məsud Pezeşkian onun andiçmə mərasimi üçün Tehrana gələn Azərbaycanın Baş naziri Əli Əsədovu qəbul edib.
HƏMAS liderinin öldürülməsi nələrə səbəb ola bilər? – Zərdüşt Əlizadə Çətin sualda
Xəbər lenti
-
- Cəmiyyət,
- 14:37
- 192
Rəy yaz