NİDA-çılar üzərində növbəti şou

Cümə axşamı hakim Cavid Hüseynovun sədrliyi ilə Bakı Ağır Cinaytələr məhkəməsində NİDA hərəkatı fəallarının və “Müstəqil Gənclər” təşkilatının üzvü İlkin Rüstəmzaədnin işi üzrə proses davam edib.

Onlar martın 10-da Bakıdakı Fəvvarələr meydanında kütləvi iğtişaşlar hazırlamaqda ittiham edirlirlər. Bundan əlavə, onlara qarşı qanunsuz silah və narkotika saxlamaq, xuliqanlıq ittihamlrı irəli sürülüb.

Dəmir qəfəslərdə saxlanılan müttəhomlər prosesin əvvəlində prosesi aydın görüb, eşidə bilmək üçün jurnalsitlərə ilk sıralarda yer verilməsini tələb ediblər.  

Amma nəzarətçilər əvvəlcə bunu etmək istəməyiblər, bu isə müttəhimlərin hiddət və qəti etirazlarına və daha israrlı tələblərinə səbəb olub Nəticədə,nəzarətçilər geri çəkilməyə məcbur olublar.

Vəkil Cavad Cavadlı özünə və müdafiə etdiyi şəxsə xuliqanlıq ittihamının mahiyyətini aydınlaşdırılamsını xahiş edib. Qeyd edək ki, bunlardan əlavə, istintaq İ.Rüstəmzadəni və Bəxtiyar Quliyevi “dəniz kənarı parkdakı tunc heykəl üzərində əxlaqdan uzaq hərəkətlərdə”, “başqaları ilə birlikdə” qurşağa qədər soyunaraq , əlləri və ayaqları nmayişkaranə qıcıqlandırıcı hərəkətlərdə ittiham edir. Onların bütün bu xuliqanlıq hərəkətlərini videoçəkiliş edərək martın 1-də internetdə “Harlem-Shake-ParkBulvar” adı ilə yerləşdiriblər.

Cavadli izah edib ki, cinayət məcəlləsində “xuliqanlıq” ictimai asayişi kobud şəkildə pozmaq, ictimaiyyətə hörmətsizlik, zorkıəlıq və ya zorkılıqla hədələmək və ya özgəsini əmlakını məhv etmək kimi təsnif dilir. Amma indiki halda, zərərçəkən yoxdur və belə alınır ki, istintaq “zərərçəkən” kimi bürünc heykəli tanıyır. 

 Amma dövlət iithamçısı vəsatətəin əleyhinə çıxıb və hakim vəsatəti rədd edib.Daha sonra müttəhimlərin ifadə verməsi elan edilib və Bəxtiyar Quliyevə söz verilib. B.Quliyev isə məhkəmə isitntaqının indiki mərhələsində ifadə verməkdən imtina edərək ittiham sübutları araşdırıldıqdan sonra ifadə verəcəyini söyləyib. 

Hakim belə halda müttəhimin ibtidai istintaqda verdiyi ifadənin elan olunacağı xəbərdarlığı edib. Hakimin bu mövqeyi vəkillərin etirazına səbəb olub və onlar istintaqdakı ifadəni ittiham tərəfin sübutu, gənclərin isə bu ittihamı rədd etdiklərini nəzərə çatdırıblar.

Yenə də hakim öz dediyində durub.

Vəkil Elton Quliyev indiki halda hakimin “prinsipiallığı”nın yersiz olduğunu deyərək  hakimlərin müttəhimləri sübutların araşdırılamsından sonra dinləməsi kimi presedentlər olduğunu xatırladıb.

Buna baxmayaraq hakim Hüseynov B.Quliyevin ifadəsini özü oxumağa başlayıb.

Belə ki, martın 7-də saxlandıqdan dərhal sonra B.Quliyev qeyd edir ki, axtarış nəticəsində evlərindən sellafana bükülü kibrit qutusu və içində hansısa ot, evin həyətində isə  yandırıcı maye olan butulkalar tapılıb.B.Quliyev bu “tapıntı”lara hər hansı aidiyyatı olmadığını söyləyib.

Amma martın 8-i və 9-da verdiyi ifadələrində “etiraf“ edir ki, NİDA-nın iclaslarında Azərbaycanda inqilab hazırlığı məsələləri müzakirə olunub. Martin əvvəlində hansısa cavan adam B.Quliyevi şəhərdə görüb, “VAZ-06” marakalı avtomobilin yük yerindən yandırıcı maye dolu  butulkaları B.Quliyevə verərək bunun digər müttəhim Rəşad Həsənovun göndərdiyini söyləyib. 

Guya, B.Quliyev butulkaları taksiyə yığaraq evlərinəı gətirib və R.Həsənovun “inqilab üçün öncə Misirdə ki kimi iğtişaşlar törətməyin laızm gəlməsi” sözlərini xatırlayıb. B.Quliyev isə hakimə hər hansı dindirmənin olmadığını, bunu müstəntiqlərin onun adından uydurduqlarını  deyib.

Bundan sonra hakim iclası bağlı elan edərək, prosesi dekabrın 10-na təyin edib.

Vəkil Xalid Bağırov məhkəmənin müttəhimlərin hüquqlarını pozduğunu bəyan edib.-6D-